رەجەپ تايپ ەردوعان قازاقستانعا ساپارىن «اتا- بابا جەرىندەمىن» دەپ ءبىر اۋىز سوزبەن سيپاتتاعان

ال، ازياداعى ءوزارا ءىس- قيمىل جانە سەنىم شارالارى كەڭەسىنىڭ التىنشى سامميتى - الەم نازارىندا. ول جايىندا بۇگىن شەتەلدىڭ ءىرى مەديا ۇيىمدارى اقپارات تاراتىپ جاتىر.

سولاردىڭ ءبىرى - تۇرىكتىڭ «انادولى» اگەنتتىگى. اگەنتتىك ەكى كۇندىك جيىندا ساياسي، ەكونوميكالىق، گۋمانيتارلىق جانە ەكولوگيالىق ماسەلەلەرمەن بىرگە جاڭا ءقاۋىپ تۇرلەرى دە تالقىلاناتىنىن حابارلادى.

بۇل سامميت جايىندا ساۋديانىڭ «ءال- ارابيا» تەلەكومپانياسى دا ماتەريال ازىرلەپ، رەسەي مەن تۇركيا باسشىلارىنىڭ كەزدەسۋىنە ءمان بەرگەن. اۆتوردىڭ ايتۋىنشا، ەردوعان ءالى دە پۋتين مەن ۋكراينا پرەزيدەنتى ۆلاديمير زەلەنسكيدى بەيبىت كەلىسسوزدەرگە تارتۋدان ءۇمىتتى.

وسى تاقىرىپقا ВВС - دە توقتالدى. ونىڭ دەرەگىنشە، بەيسەنبىدە قازاقستان استاناسىندا پۋتين مەن ەردوعاننىڭ كەزدەسۋى وتەدى. ال انكارا سوڭعى ايلاردا رەسەي مەن باتىس اراسىندا اراعايىن بولۋعا تىرىسىپ كەلەدى. سونىمەن بىرگە، بريتاندىق تەلەراديوكورپوراتسيا ءتىلشىسى تۇركيانىڭ كيەۆتى قارۋ- جاراقپەن قامتاماسىز ەتە وتىرىپ، ماسكەۋگە قارسى اۋقىمدى سانكسيالاردى قولداماعانىن دا اتاپ وتكەن.

ال قىتايدىڭ «سينحۋا» اگەنتتىگى مەن China Daily گازەتىنىڭ جاھاندىق قىزمەتى ازيا كەڭەسىنىڭ التىنشى سامميتىنە ەل دەلەگاتسياسىن ۆيتسە- پرەزيدەنت ۋاڭ چيشان باستاپ بارعانىن حابارلادى.

https://qazaqstan.tv