بەلگىسىز بىرەۋلەر مەكتەپتەردىڭ اينالاسىنا ۋلانعان تاتتىلەر تاستاپ كەتەتىنى راس پا

بۇل تۋرالى قازاقپارات stopfake.kz سايتىنا سىلتەمە جاساپ حابارلايدى.

StopFake.kz رەداكتسياسىنا قازنەتتە تاراعان اقپاراتتى تەكسەرۋدى سۇراپ، ءبىر وقىرمان حابارلاستى. وندا بەلگىسىز بىرەۋلەر مەكتەپتەردىڭ اينالاسىنا ۋلانعان كامپيتتەر مەن پەچەنەلەر شاشىلادى دەلىنگەن. بۇل ويدان شىعارىلعان جاعداي.

ۋلانعان تاتتىلەر تۋرالى حابارلاما - 2022 -جىلدىڭ قازان ايىنىڭ باسىندا شىققان رەسەيلىك فەيك.

داۋىستىق حابارلامادا قاۋىپتى كامپيتتەر نوۆوشاحتينسك مەكتەپتەرىنىڭ جانىنان تابىلعاندىعى ايتىلعان. بۇل - رەسەيدەگى قالا. حابارلاما اۆتورىنىڭ ايتۋىنشا، ءبىر كامپيتتى ءبىر ءيت جەپ، ولگەننەن كەيىن، ولاردىڭ ۋلانعانى انىقتالدى.

شىندىعىندا، مۇنداي جاعداي بولماعان. نوۆوشاحتينسك اكىمشىلىگىنىڭ حابارلاۋىنشا، تاراتىلعان حابارلاما - فەيك جانە قالادا مۇنداي وقيعالار ورىن الماعان.

حابارلامانىڭ قازاقستانعا ەشقانداي قاتىسى جوق. وعان سەنبەڭىزدەر.