ءيت ۇستاۋ مەن ولاردى سەرۋەندەتۋدىڭ ءبىرىڭعاي ەرەجەسى قاجەت - الماتى اكىمى
الماتى. قازاقپارات - الماتىدا قاڭعىباس يتتەردىڭ ادامدارعا شابۋىل جاساۋى جيىلەگەن.
بۇل تۋرالى الماتى قالاسىنىڭ اكىمى ەربولات دوسايەۆ اۋەزوۆ اۋدانىنىڭ تۇرعىندارىمەن كەزدەسۋىندە ءمالىم بولدى، دەپ حابارلايدى قازاقپارات ءتىلشىسى.
اكىمىمەن كەزدەسۋ بارىسىندا قالا تۇرعىنى «10» جانە «11» شاعىناۋدانداردا تۇندە كوشەدە ءجۇرۋ قورقىنىشتى ەكەنىن ايتىپ، جارىقتاندىرۋ ماسەلەسىن شەشۋدى سۇرادى. سونداي-اق ول قالادا جانە قاڭعىباس يتتەردىڭ كوبەيگەنىن ماسەلە ەتىپ كوتەردى
«كەشكە بالالاردى مەكتەپتەن كۇتىپ الۋعا ءماجبۇرمىز. سەبەبى، كوشەنىڭ جارىقتاندىرىلۋى ناشار جانە قاڭعىباس يتتەر كوپ. وسى ماسەلەلەردى شەشىپ بەرسەڭىز»، - دەدى قالا تۇرعىنى.
ەربولات دوسايەۆ قالادا قاڭعىباس يتتەر بويىنشا ماسەلەنىڭ وزەكتى بولىپ تۇرعانىن ايتتى.
«وكىنىشكە قاراي، قازىر قاڭعىباس يتتەردىڭ ادامدارعا شابۋىلداۋى جيىلەگەن. سوندىقتان قالادا ءيت ۇستاۋ مەن ولاردى سەرۋەندەتۋ بويىنشا ءبىرىڭعاي ەرەجە كەرەك. ونىڭ ۇستىنە ءبىز ءماسليحاتقا قاڭعىباس يتتەردى اۋلاۋ بويىنشا ۇسىنىس ەنگىزەتىن بولامىز. جىل سوڭىنا دەيىن جوعارىدا اتالعان ەرەجە قابىلدانىپ، قاڭعىباس يتتەردىڭ دە ماسەلەسى شەشىمىن تابادى دەپ ويلايمىز»، - دەدى قالا اكىمى ەربولات دوسايەۆ.
اۆتور
دۋمان ارعىنگەلدى
