پرەزيدەنتتىككە ۇمىتكەر فاتيما بيزاقوۆانىڭ دا كانديداتۋراسى تالاپقا ساي بولماي شىقتى
بۇل تۋرالى ۇمىتكەردى ارنايى ورگاندار ارقىلى تەكسەرۋ ناتيجەسىن بايانداعان ورتالىق سايلاۋ كوميسسياسىنىڭ مۇشەسى شاۆكات وتەمىسوۆ ءمالىم ەتتى، دەپ حابارلايدى قازاقپارات ءتىلشىسى.
ورتالىق سايلاۋ كوميسسياسى وتىرىسىندا فاتيما بيزاقوۆانىڭ تالاپ ەتىلگەن بارلىق قۇجاتتاردى تاپسىرعانى اتالىپ ءوتتى. كەيىن دەرەكتەردى راستاۋ ماقساتىندا و س ك مەملەكەتتىك قىزمەت ىستەرى جونىندەگى اگەنتتىكتەن، ادىلەت مينيسترلىگىنەن جانە قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنەن، ىشكى ىستەر مينيسترلىگىنەن اقپارات سۇراتقان.
ناتيجەسىندە فاتيما بيزاقوۆانىڭ مەملەكەتتىك قىزمەتتەگى جۇمىس ءوتىلى جوق ەكەنى انىقتالعان. وسىعان بايلانىستى ورتالىق سايلاۋ كوميسسياسى ونىڭ كانديداتۋراسىن ق ر «سايلاۋ تۋرالى» كونستيتۋتسيالىق زاڭنىڭ 54-بابىندا كوزدەلگەن ەرەجەلەرگە سايكەس ەمەس دەپ تانىدى. سايكەسىنشە، قۇزىرلى ورگان فاتيما بيزاقوۆانى ق ر پرەزيدەنتتىگىنە كانديدات رەتىندە تىكەۋدەن باس تارتۋ تۋرالى شەشىم قابىلدادى.
ايتا كەتسەك، بۇل ۇمىتكەردىڭ كانديداتۋراسىن «تاجىريبەلىك پسيحولوگيا» قوعامدىق بىرلەستىگى ۇسىنعان بولاتىن.
