وزبەكستاندا شەتەلدىكتەردىڭ كوبەيۋىنە بايلانىستى ارەنداتورلاردى ۇيىنەن قۋىپ جاتىر - مينيسترلىك
مينيسترلىكتىڭ مالىمەتىنشە، سوڭعى كەزدەرى وزبەكستانعا كەلۋشى شەتەلدىكتەر سانى كۇرت ءوسىپ، ەلدىڭ تۋريستىك الەۋەتىنە وڭ اسەر ەتىپ وتىر.
الايدا ولاردىڭ شامادان تىس كوپتىگى جاعىمسىز سالدارعا اكەپ جاتىر.
«كەيبىر وتانداستارىمىزدىڭ تۇرعىن ءۇيدى جالعا بەرۋ ارقىلى كوبىرەك پايدا تابۋ ماقساتىندا جالعا الۋشىلاردى ماجبۇرلەپ شىعارۋ نەمەسە بۇرىن جالعا الىنعان پاتەرلەردىڭ باعاسىن نەگىزسىز كوتەرۋ جاعدايلارى تىركەلىپ جاتىر»، - دەپ حابارلايدى ەلدىڭ ادىلەت مينيسترلىگى.
ۆەدومستۆو بۇل ارەكەتتەر وزبەكستاننىڭ ازاماتتىق كودەكسى مەن باسقا دا زاڭنامالىق اكتىلەردىڭ تالاپتارىن، سونداي-اق تۇرعىن ءۇيدى جالعا الۋدىڭ قۇقىقتىق نەگىزدەرىن بۇزاتىنىن ەسكە سالدى.
ادىلەت مينيسترلىگى شارت تالاپتارىن ءبىرجاقتى وزگەرتۋ نەمەسە مەنشىك يەسىنىڭ باستاماسى بويىنشا ونى بۇزۋ تەك سوت تارتىبىمەن جۇزەگە اساتىنىن ءتۇسىندىردى.
جەرگىلىكتى ب ا ق- تىڭ حابارلاۋىنشا، وزبەكستان استاناسىندا پاتەر جالداۋ باعاسى شەتەل ازاماتتارىنىڭ، ءبىرىنشى كەزەكتە رەسەيلىكتەردىڭ كەلۋىنە بايلانىستى ەكى ەسە وسكەن.
اتاپ ايتقاندا، ءبىر بولمەلى جانە ەكى بولمەلى پاتەرلەردىڭ قۇنى 300-450 دوللاردان 600-1500 دوللارعا دەيىن وسكەن.
