پرەزيدەنتتىككە ۇمىتكەر سالتانات تۇرسىنبەكوۆا و س ك- عا قۇجاتتارىن تاپسىردى

11- قازاندا ورتالىق سايلاۋ كوميسسياسىنا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 54- جانە 55-باپتارىنا، سونداي-اق ورتالىق سايلاۋ كوميسسياسىنىڭ 2022-جىلعى 23- قىركۇيەكتەگى 67/545№ قاۋلىسىنا سايكەس سالتانات پارحات قىزى تۇرسىنبەكوۆا قۇجاتتارىن تاپسىردى.

ۇمىتكەردى «قازاق انالارى - داستۇرگە جول» رەسپۋبليكالىق قوعامدىق بىرلەستىگى ۇسىنىپ وتىر.

تاپسىرىلعان قۇجاتتار:

1. «قازاق انالارى - داستۇرگە جول» رەسپۋبليكالىق قوعامدىق بىرلەستىگىنىڭ جوعارى ورگانى وتىرىسىنىڭ قازاقستان رەسپۋبليكاسىنىڭ پرەزيدەنتتىگىنە كانديدات بولىپ ۇسىنۋ تۋرالى حاتتاماسىنان ءۇزىندى؛

2. سالتانات تۇرسىنبەكوۆانىڭ قازاقستان رەسپۋبليكاسىنىڭ پرەزيدەنتتىگىنە كانديدات بولۋعا كەلىسىمى تۋرالى ءومىرباياندىق دەرەكتەرى قوسا بەرىلگەن ءوتىنىشى؛

3. قازاقستان رەسپۋبليكاسى ورتالىق سايلاۋ كوميسسياسىنىڭ شوتىنا سايلاۋ جارناسىنىڭ ەنگىزىلگەنىن كۋالاندىراتىن قۇجات؛

4. جەكە باسىن كۋالاندىراتىن قۇجاتتىڭ كوشىرمەسى؛

5. جوعارى ءبىلىمى تۋرالى ديپلومىنىڭ كوشىرمەسى.

ەسكە سالا كەتەيىك، 20- قاراشادا وتەتىن كەزەكتەن تىس پرەزيدەنت سايلاۋىنا تاعى ءبىر ايەل كانديدات ۇسىنىلعان ەدى.

بۇگىن استانادا «قازاق انالارى-داستۇرگە جول» قوعامدىق بىرلەستىگىنىڭ جيىنى ءوتتى.

وندا پرەزيدەنت سايلاۋىنا ۇمىتكەر رەتىندە اتالعان بىرلەستىك اتىنان سالتانات پارحات قىزى تۇرسىنبەكوۆا ۇسىنىلدى.

كانديداتۋرانى بىرلەستىكتىڭ ەلورداداعى 20 وكىلى مەن جيىنعا بەينەبايلانىس ارقىلى قاتىسقان 18 وڭىردەگى مۇشەلەرى قولدادى.