مامان قانات يسلامنىڭ ءبىر عانا جولى بار ەكەنىن ايتتى
يسلام مەن ماسەل اراسىنداعى جەكپە-جەك 7- قازان كۇنى پلانت-سيتي (ا ق ش) قالاسىندا ءوتىپ، سەگىز راۋند بولدى. ونىڭ قورىتىندىسى بويىنشا قازاقستاندىق بوكسشى جەڭىسكە جەتتى.
«كەزدەسۋدىڭ ناتيجەسى ءاۋ باستا بەلگىلى بولدى. يسلامنىڭ قارسىلاسى سوڭعى كەزدەسۋلەرىندە جەڭىلىپ ءجۇر. ال اقىرعى ايقاسىندا، ەكى اي بۇرىنعى، نوكاۋتقا تۇسكەن بولاتىن. ءبىراق حاۆەرگە قۇرمەت كورسەتەيىك. ول كەزدەسۋدىڭ سوڭىنا دەيىن شىدادى. قازاقستاندىق بوكسشى تىڭ سەكىلدى كورىندى. جاڭا باپكەردىڭ جۇمىسى دا ءبىلىندى. دەگەنمەن مەن ونىڭ بولاشاعىنان كوپ دۇنيە كۇتپەيمىن. جاسى كەپ قالدى عوي. قازىر تەك ءبىر جولدى كورىپ تۇرمىن. تەز-تەز كەزدەسۋ وتكىزىپ، رەيتينگتە جوعارىلاپ، مىندەتتى قارسىلاس بولۋ كەرەك. قانات بۇرىنعىعا قاراعاندا قازىر قاۋىپتى ەمەس. سول ءۇشىن چەمپيوندار ونى قارسىلاس ەتىپ تاڭداۋى مۇمكىن»، - دەدى ماككافەرري.
ەسكە سالايىق، يسلام بۇل كەزدەسۋگە رودجەر رومانىڭ قول استىندا دايىندالعان بولاتىن.
