ءالىمحان ۇلى مەن قارسىلاسى جەلىدە جانجالداستى
ءبارى جانىبەك قارسىلاسىن نوكاۋتقا تۇسىرۋگە ۋادە بەرگەنىنەن باستالدى.
«جەكپە-جەككە ءبىر اي قالدى، قارسىلاسىمدى نوكاۋتقا تۇسىرۋگە دايىنمىن. دەنزەل، باپكەرىڭە دەر كەزىندە ورامال تاستاۋ كەرەگىن ايت!» - دەپ جازعان ەدى ءالىمحان ۇلى Twitter- دە.
«سەن كوپ سويلەيسىڭ، كەلەسى ايدا دايىن بول! سەن نوكاۋتقا تۇسەتىن جالعىز ادام بولاسىڭ!» - دەپ جاۋاپ بەردى بەنتلي.
«ءبىز سەنى زەرتتەپ قويدىق! ءبىز سەنىڭ بارلىق وسال تۇسىڭدى بىلەمىز. ءبىر ايدا ستيلىڭدى وزگەرتە المايسىڭ دەپ ويلايمىن. وڭاي جۇمىس، ينشااللا. تەك جاقسىلاپ دايىندال. مەن سەنى ءبىرىنشى راۋندتا نوكاۋتقا تۇسىرگىم كەلمەيدى»، - دەپ جالعاستىردى قازاقستاندىق بوكسشى.
«زەرتتەۋدى جالعاستىرا بەر. سەنى نوكاۋتقا ءتۇسىرۋ ءۇشىن ماعان سەنىڭ ءالسىز تۇستارىڭدى ءبىلۋدىڭ كەرەگى جوق! 12- قاراشاعا دەيىن از ۋاقىت قالدى، سوندىقتان ءسوزدى دوعار دا، «وقۋىڭا» ورال»، - دەپ جاۋاپ بەردى بەنتلي.
