استانا ل ر ت-نىڭ بۇرىنعى باسشىسى قاماۋعا الىندى
استانا. قازاقپارات – 2018-2020 -جىلدارى «استانا LRT» ج ش س باسقارما ءتوراعاسى بولعان، «الماتىەلەكتروترانس» ج ش س باس ديرەكتورى بەكمىرزا يگەنبەردينوۆ كاسىپكەرلىك سۋبەكتىسىنىڭ وكىلىنەن 150 مىڭ دوللار كولەمىندە پارا العان.
بۇل تۋرالى سىبايلاس جەمقورلىققا قارسى قىزمەتتىڭ الماتى قالاسى بويىنشا دەپارتامەنتى ءمالىم ەتتى، دەپ حابارلادى BAQ. KZ.
ۆەدومستۆونىڭ مالىمەتىنشە، «الماتىەلەكتروترانس» ج ش س باس ديرەكتورىنىڭ كاسىپكەرلىك سۋبەكتىسى وكىلىنەن 150 مىڭ دوللار كولەمىندە پارا العانى، اتقارىلعان جۇمىس اكتىسىنە قول قويىپ، بۇرىن جاسالعان كەلىسىم بويىنشا اقشا اۋدارعانى اشكەرەلەنگەن.
30-قىركۇيەكتە سوت ونى قاماۋدا ۇستاۋ شاراسىن سانكسيالادى. وزگە مالىمەتتەر تەرگەۋ مۇددەسىنە سايكەس جاريالانبايدى، - دەلىنگەن حابارلامادا.
الماتى قالالىق سوتىنىڭ باسپا ءسوز قىزمەتى 30-قىركۇيەك كۇنى الماتىنىڭ مامانداندىرىلعان اۋدانارالىق تەرگەۋ سوتى كۇدىكتى ي-گە ەكى ايعا دەيىن قاماۋدا ۇستاۋ تۇرىندەگى بۇلتارپاۋ شاراسى تاعايىندالعانىن ءمالىم ەتتى.
