قازاقستاندى جاياۋ ارالاعان قارياعا پاتەر بەرىلدى - فوتو
استانا. قازاقپارات – قازاقستاندى التى اي ىشىندە جاياۋ ارالاعان قاريا سارسەنباي قوتىراشوۆقا «قازاقمىس» كومپانياسى باسپانا سىيلادى، - دەپ حابارلايدى كومپانيانىڭ باسپا ءسوز قىزمەتى.
ايتا كەتەيىك، 72 جاستاعى اقساقال سارسەنباي قوتىراشوۆ التى اي ىشىندە بۇكىل ەلدى ارالاپ شىققان بولاتىن. قاريا جەزقازعاننان شىعىپ، ەلدىڭ شىعىسىمەن ءوتىپ، كاسپيگە جەتتى. ول بارلىعى 8000 شاقىرىمدى ءجۇرىپ ءوتتى.
«بۇل شىنىمەن كەرەمەت ناتيجە! ءبىزدىڭ وبلىستىڭ بارلىق تۇرعىندارى ب ا ق ارقىلى ءسىزدىڭ ساپارىڭىزدى باقىلاپ، سىزگە ساتتىلىك تىلەپ، دەنساۋلىعىڭىزعا الاڭداپ، ورتامىزعا ورالعانىڭىزدى تىلەدى. ءسىزدىڭ بۇل ءىسىنىڭ جاس ۇرپاق ءۇشىن ۇلكەن ۇلگى. بۇگىن قازاقمىس كومپانيالار توبىنىڭ باسشىلىعى اتىنان ءسىزدى شىن جۇرەكتەن قۇتتىقتاعىم كەلەدى. سىزگە زور دەنساۋلىق، ۇزاق ءومىر جانە سارقىلماس قۋات تىلەيمىز. ءسىزدىڭ وسى ەرلىگىڭىز ءۇشىن سىزگە جەزقازعان قالاسىنداعى ەكى بولمەلى پاتەردىڭ كىلتىن تابىستايمىز»، - دەپ قۇتتىقتادى «قازاقمىس سمەلتينگ» ج ش س باس ديرەكتورى نۇراحمەت نۇريەۆ.
ايتا كەتەيىك، قازاقمىس كومپانياسى سارسەنباي قوتىراشوۆكە جيھازبەن جانە تۇرمىستىق تەحنيكامەن جابدىقتالعان پاتەر سىيعا تارتتى.
