قانداي ادامنان قاشىق ءجۇرۋ كەرەك؟

جامان ادام جوق. ونى وزگەرتەتىن ءوزىمىز. قانداي ادامنان قاشىق ءجۇرۋ كەرەك؟ ءبىزدىڭ از- كەم كەڭەسىمىزگە قۇلاق ءتۇرىڭىز.

1. ءوزىمشىل ادامنان اۋلاق بولىڭىز. ونداي ادامدار وزىنە كەرەك كەزىندە عانا ءسىزدى ءوز ماقساتىنا پايدالانۋ ءۇشىن جانىڭىزدا جۇرەدى.

2. سىزبەن قارىم- قاتىناس كەزىندە سىزدەن كوپ نارسە سۇراي بەرەتىن جانە ءوزى ەشتەڭە بەرمەيتىن جانداردان قاشىق بولۋعا تىرىسىڭىز.

3. كەي ادامدار كىشكەنتاي بولماشى نارسەدە دە ۇنەمى جەڭۋگە ۇمتىلادى. ءوزىنىڭ ءىسى دۇرىس ەمەس بولىپ تۇرسا دا ءوزىن اقتاۋعا تىرىسادى. مۇنداي جاندار دا قاۋىپتىرەك.

4. باسقالارمەن سىزبەن قارىم- قاتىناسقا تۇسكەندەي قارىم- قاتىناس جاساماسا، سونداي ادامنان ساق بولىڭىز. ويتكەنى، ەكىجۇزدىلىك جاقسى قاسيەت ەمەس.

5. ولار وزدەرىن ەشقاشان كىنالى دەپ سانامايدى. قانداي جاعدايدا دا ءوز «شىندىعىن» دالەلدەپ باعادى. سول ارقىلى ءوز ۇپايىن تۇگەندەۋدى ماقسات تۇتادى.

6. ولار وزگەنىڭ قاتەلىگىن سىزگە كورسەتۋ ارقىلى ءوزىن «اپپاق» ەتىپ كورسەتكىسى كەلەدى. ءسويتىپ، ءسىزدى دوسىڭىزبەن ياكي تۋىسىڭىزبەن ارازداستىرىپ قويادى.

7. ولار كۇن سايىن مىڭ قۇبىلادى. بىردە قايىرىمدى، قامقور ادامنىڭ ءرولىن سومداسا، ەندى بىردە جۇرەگى قاتتى قاتىگەز ادام بولا سالادى.

8. ولاردا «دوس» دەگەن ۇعىم جوق. تەك قانا پايدالانۋ عانا بار. وزگەگە دە بولسىن دەمەي، تەك «وزىمە، وزىمە» دەيتىن اشكوزدىگى بار. ارينە، ادامنىڭ بارلىعى بىردەي ەمەس. الايدا، اباي اتامىزدىڭ «سەنبە جۇرتقا تۇرسا دا قانشا ماقتاپ» دەگەن ءسوزىن ەسىڭىزدەن شىعارماڭىز.