رەسەيدەگى موبيليزاتسياعا قازاقستان ازاماتتارى شاقىرىلىپ جاتىر ما – س ءى م جاۋاپ بەردى
استانا. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ رەسەيدەگى اسكەرگە قازاقستان ازاماتتارىن شاقىرۋ جونىندە پىكىر ءبىلدىردى، دەپ حابارلايدى قازاقپارات ءتىلشىسى.
بۇعان دەيىن سانكت- پەتەربوردا تۇراتىن قازاقستان ازاماتى اسكەرگە شاقىرتۋ العانى حابارلانعان ەدى.
«وتكەن اپتادا قازاقستان ازاماتتارىنا شاقىرۋ قاعاز كەلىپ جاتقانى تۋرالى اقپارات بولدى. شىن مانىندە، بۇل ارالىقتا بىزگە ءبىر عانا ازاماتىمىز جۇگىنگەن ەدى. بۇل وقيعانىڭ ءوزى ماسكەۋ قالاسىندا بولعان. سوندىقتان، بۇقارالىق اقپارات قۇرالدارىنا كەلىپ جاتقان ءتۇرلى حابارلامالارعا سەنبەۋدى سۇرايمىز»، - دەدى ايبەك سمادياروۆ مينيسترلىكتە وتكەن بريفينگتە.
رەسمي وكىلدىڭ ايتۋىنشا، مۇنداي فاكتىلەر بولعان كۇننىڭ وزىندە شاقىرتۋ ازاماتتىققا ءوتىنىش بىلدىرگەندەرگە كەلۋى مۇمكىن.
«ياعني ر ف ازاماتتىعىنا قۇجات تاپسىرعانداردىڭ مالىمەتى دەرەكقوردان شىعۋى مۇمكىن، قوس ازاماتتىعى بولىپ، ءبىراق رەسەي ازاماتتىعى بار ەكەنىن مويىندامايتىندار دا بار. وسىلايشا ولار كۇردەلى جاعدايدان قاشۋ ءۇشىن وزدەرىن قازاقستان ازاماتىمىز دەپ اتاي باستايدى»، - دەيدى رەسمي وكىل.
