نۇرلان اۋەسبايەۆ قازاقستان پرەزيدەنتتىگىنە كانديدات رەتىندە تالاپتارعا ساي – و س ك

كۇن تارتىبىندەگى ماسەلە بويىنشا ورتالىق سايلاۋ كوميسسيا مۇشەسى ءسابيلا مۇستافينا بايانداما جاسادى.

قۇزىرەتتى مەملەكەتتىك ورگانداردان كەلگەن مالىمەتتەرگە ساي ن. اۋەسبايەۆقا قاتىستى ق ر پرەزيدەنتىن كەزەكتەن تىس سايلاۋدا كانديدات رەتىندە تىركەلۋگە كەدەرگىلەر جوق ەكەنى انىقتالدى.

ىشكى ىستەر مينيسترلىگى مالىمەتىنشە، ول تۋمىسىنان قازاقستان رەسپۋبليكاسىنىڭ ازاماتى، ەلىمىزدە سوڭعى 65 جىل بويى تۇرادى.

ونىڭ جوعارى ءبىلىمى بار، سونداي-اق مەملەكەتتىك قىزمەتتەگى جۇمىس تاجىريبەسى 10 جىل 8 ايدى قۇراپ وتىر.

وسى ورايدا ورتالىق سايلاۋ كوميسسياسى سايلاۋدا ۇمىتكەر رەتىندە ۇسىنىلعان ن. اۋەسبايەۆتىڭ تالاپتارعا سايكەس كەلەتىنىن بەكىتتى.

ايتا كەتەيىك، جالپىۇلتتىق سوتسيال-دەموكراتيالىق پارتياسىنان پرەزيدەنتتىككە كانديدات نۇرلان اۋەسبايەۆ ورتالىق سايلاۋ كوميسسياسىنا قۇجاتتارىن وتكىزگەن ەدى.

بۇدان بۇرىن حابارلانعانداي، پرەزيدەنت سايلاۋىنا ۇمىتكەر نۇرلان اۋەسبايەۆ مەملەكەتتىك ءتىلدى ءبىلۋى بويىنشا ەمتيحان تاپسىردى.