ەلوردا پوليتسەيلەرى كۇشەيتىلگەن جۇمىس رەجيمىنە كوشتى
10- قازان ساعات 21.00-دەن باستاپ ستاتسيونارلىق باقىلاۋ بەكەتتەرىنىڭ بازاسىندا ەلوردا اۋماعىنا كىرۋدى باقىلاۋ كۇشەيتىلدى، بەكەتتەردە قىزمەت اتقارۋدى تاۋلىك بويى قۇرامىندا پوليتسيا قىزمەتكەرلەرى مەن ق ر قورعانىس مينيسترلىگىنىڭ اسكەري قىزمەتشىلەرى بار موبيلدى توپتار جۇزەگە اسىرادى. كوشى- قون زاڭناماسىن بۇزۋ ارەكەتتەرىنىڭ الدىن الۋ جانە جولىن كەسۋ ماقساتىندا 1 -قازاننان باستاپ «ۋچاسكە» رەسپۋبليكالىق جەدەل- الدىن الۋ ءىس- شاراسى وتكىزىلىپ جاتىر.
جول قاۋىپسىزدىگىن قامتاماسىز ەتۋگە جانە جول قوزعالىسى ەرەجەلەرىن ساقتاۋعا ەرەكشە نازار اۋدارىلاتىن بولادى. وتكىزىلەتىن ءىس- شارالارعا بايلانىستى قالانىڭ جاڭا اكىمشىلىك ورتالىعىندا جولداردىڭ كەيبىر ۋچاسكەلەرىندە قوزعالىس ۋاقىتشا ءىشىنارا شەكتەلەدى.
استانا قالاسىنىڭ پوليتسيا دەپارتامەنتى ەلوردا تۇرعىندارى مەن قوناقتارىنان وتكىزىلەتىن ءىس- شارالارعا تۇسىنىستىكپەن قاراۋدى سۇرايدى جانە ىڭعايلى بولۋ ءۇشىن قوعامدىق كولىكتى پايدالانۋدى ۇسىنادى.
«قاۋىپسىزدىك جانە كولىك كىدىرىستەرىن بولدىرماۋ ءۇشىن جول ءجۇرۋ مارشرۋتتارىن الدىن الا جوسپارلاۋدى جانە جول قوزعالىسى ەرەجەلەرىن قاتاڭ ساقتاۋدى ۇسىنامىز»، - دەلىنگەن حابارلامادا.
فوتو: t.me/POLICE_of_KZ
