ەڭ كۇلكىلى سوت ۇدەرىسى: اداممەن سوتتاسقان مايمىل

استانا. قازاقپارات - فوتوگراف- ناتۋراليست دەۆيد سلەيتەر مەن نارۋتو اتالاتىن مايمىل اراسىندا بولعان سوت ادام قۇقىعىن قورعاپ شىقتى.

سلەيتەردى شىن مانىسىندە سوتقا بەرگەن مايمىلدىڭ ءوزى ەمەس، PETA زوو ۇيىمى بولاتىن. وسى ىسكە قاتىستى سوت ۇدەرىسى ەكى جىلعا سوزىلعان. امەريكا سوتى مايمىل سەلفي سۋرەتتەرگە يەلىك ەتەتىن تۇلعا رەتىندە قاراستىرىلمايتىنى تۋرالى شەشىمگە كەلدى. سوت فوتوگراف پايداسىنا شەشىلسە دە، سلەيتەر مىرزا سۋرەتتەن تۇسكەن قارجىنىڭ ¼ پايىزىن نارۋتو ءومىر سۇرەتىن ۇيىم شوتىنا جىبەرەتىنىن ايتتى.

بۇل وقيعا 2011 -جىلى باستالعان. يندونەزياعا بارعان ساپارىندا سلەيتەر مىرزا جەرگىلىكتى سۋلاۆەسي ۇلتتىق پاركىنە باس سۇققان. ونداعى جانۋارلاردى سۋرەت پەن ۆيدەوعا ءتۇسىرۋ ءۇشىن اپپاراتتارىن قۇرىپ جاتىرعان كەزدە ءبىر مايمىل ونىڭ كامەراسىن قاعىپ الىپ، بىرنەشە سەلفي جاساپ ۇلگەرگەن. جانۋار بۇل ارەكەتتى ادەيى جاساماعانى انىق. نە بولسا دا، كامەرانىڭ تەتىگىن باسا بەرگەننەن بىرنەشە ءساتتى سۋرەت شىقسا كەرەك. كەيىن سلەيتەر سول سۋرەتتەردى ءوزىنىڭ «ءتىرى تابيعات» اتالاتىن كىتابىنا ەنگىزەدى. ال، اتالعان سەلفي عالامتورعا جۇكتەلگەن كەزدە ناعىز فۋرور بولعان. بۇنى سىرتتاي باقىلاعان PETA ۇيىمى 2015 -جىلى نارۋتونىڭ اتىنان سوتقا ءوتىنىش جازادى. بۇل ەرەكشە سوت ءىسى «نارۋتو دەۆيد سلەيتەرگە قارسى» دەگەن اتاۋمەن بەلگىلى بولدى.

جانۋار قۇقىعىن قورعاۋشىلار سۋرەتتەن تۇسكەن قارجىنىڭ بارلىعى ونىڭ شوتىنا ءوتۋىن تالاپ ەتكەن. بۇل ادامزات تاريحىىنداعى ەڭ كۇلكىلى سوت وتىرىستارىنىڭ ءبىرى بولدى. ۇدەرىس كەزىندە سوت زالىندا كۇلمەي وتىرۋعا مۇمكىندىك بولماپتى.

Massaget.kz