نۇرلان اۋەسبايەۆ مەملەكەتتىك ءتىلدى ەركىن مەڭگەرگەن - و س ك
لينگۆيستيكالىق كوميسسيا كانديداتتىڭ مەملەكەتتىك ءتىلدى ەركىن مەڭگەرگەندىگىن ءۇش باعىت بويىنشا انىقتادى: شىعارما جازۋ، قازاق ادەبيەتى كلاسسيكتەرىنىڭ شىعارماسىنان ءۇزىندى وقۋ، كانديداتتىڭ تاڭداعان تاقىرىبىنا كوپشىلىك الدىندا ءسوز سويلەۋى.
وتىرىستىڭ قورىتىندىسىن لينگۆيستيكالىق كوميسسيانىڭ ءتوراعاسى، فيلولوگيا عىلىمدارىنىڭ دوكتورى، پروفەسسور ءادىل احمەتوۆ باياندادى.
كانديدات «تۇركىستان - ەر تۇرىكتىڭ بەسىگى» تاقىرىبىنا شىعارما جازدى. جازبا جۇمىسى مازمۇنى، ءستيلى، ەملەسى، تىنىس بەلگىلەرى بويىنشا باعالاندى. ەكىنشى تاپسىرما بويىنشا جۇسىپبەك ايماۋىت ۇلىنىڭ «اقبىلەك» رومانىنان اۋىزشا ءۇزىندى وقىدى. ءۇشىنشى تاپسىرما بويىنشا «انا ءتىلىم - اسىل قازىنام» تاقىرىبىنا ويىن اۋىزشا باياندادى.
ەمتيحان قورىتىندىسى بويىنشا لينگۆيستيكالىق كوميسسيا قازاقستان رەسپۋبليكاسىنىڭ پرەزيدەنتتىگىنە كانديدات مەملەكەتتىك ءتىلدى ەركىن مەڭگەرگەندىگى تۋرالى اشىق داۋىسپەن ءبىراۋىزدان شەشىم قابىلدادى.
ايتا كەتەيىك، جالپى ۇلتتىق سوتسيال- دەموكراتيالىق پارتياسىنان پرەزيدەنتتىككە كانديدات نۇرلان اۋەسبايەۆ ورتالىق سايلاۋ كوميسسياسىنا قۇجاتتارىن وتكىزگەن ەدى.
