اجار عينيات اۋىلداردا ءجيى كەزدەسەتىن اۋرۋلاردى اتادى

استانا. قازاقپارات - بۇگىن پارلامەنت ماجىلىسىندە ۇكىمەت ساعاتىندا ق ر دەنساۋلىق ساقتاۋ ءمينيسترى اجار عينيات اۋىلداردا ءجيى كەزدەسەتىن اۋرۋلاردى اتادى، دەپ حابارلايدى قازاقپارات ءتىلشىسى.

«اۋىل حالقىنىڭ دەنساۋلىعىنا كەلەتىن بولساق، كوبىنەسە تىنىس الۋ ورگاندارى اۋرۋلارىنان زارداپ شەگەدى، ياعني ونىڭ ۇلەسى 42,7 پايىز. ەكىنشى ورىندا اس قورىتۋ (%9)، ءۇشىنشى ورىندا نەسەپ- جىنىس جۇيەسى (%6,3)، ءتورتىنشى ورىندا قان اينالىم جۇيەسى اۋرۋلارى (%5,4) تۇرسا، ودان كەيىن جازاتايىم وقيعالار مەن العان جاراقاتتان بولعان اۋرۋلار (%4,6) جانە ونكولوگيالىق ىندەت (1 پايىز) تۇر»، - دەدى ا. عينيات اۋىلداعى دەنساۋلىق ساقتاۋ ماسەلەسىن تالقالۋعا ارنالعان ۇكىمەت ساعاتىندا.

ونىڭ ايتۋىنشا، اۋىلداردا ءولىم- ءجىتىم كورسەتكىشىنىڭ قۇرىلىمىندا قان اينالىم جۇيەسىنىڭ اۋرۋلارىنان، قاتەرلى ىسىكتەردەن، تىنىس الۋ اعزالارىنىڭ اۋرۋلارىنان جانە جاراقاتتاردان بولاتىن ءولىم قالاعا قاراعاندا باسىم.

«كوروناۆيرۋس ينفەكسياسى پاندەمياسىنىڭ جالپى حالىق دەنساۋلىعىنىڭ نەگىزگى كورسەتكىشتەرىنە اسەر ەتكەنىن اتاپ وتكەن ءجون»، - دەدى مينيستر.

بۇدان بۇرىن حابارلانعانداي، ۆەدومستۆو باسشىسى اۋىلداعىلار قالا تۇرعىندارىنا قاراعاندا ۇزاعىراق ءومىر سۇرەتىنىن ايتتى.

اۆتور

رۋسلان عابباسوۆ