10:35, 10 - قازان 2022 | GMT +6
استانادا ەكى رەسەيلىك ۇستالدى
استانا. قازاقپارات - استانادا قورعانىس مينيسترلىگى اۋماعىندا درون ۇشىرعان ەكى رەسەيلىك ۇستالدى، - دەپ حابارلايدى Polisia.kz.
باسىلىم مالىمەتىنشە، رەسەيدىڭ ەكى ازاماتى ەسىل اۋداندىق پوليتسيا بولىمىنە جەتكىزىلگەن. ءىستى تەكسەرۋ بارىسىندا 21 جانە 28 جاستاعى جاستاردىڭ قازاقستان رەسپۋبليكاسى قورعانىس مينيسترلىگى ايماعىندا جانە جاعالاۋ ماڭىندا ۇشقىشسىز ۇشاقتاردى ۇشىرعانى انىقتالعان.
ازاماتتاردىڭ كۆادروكوپتەردى پايدالانۋعا رۇقساتتارى بولماعان.
«قۇقىقبۇزۋشىلىقتار اقپاراتتى ەسەپكە الۋ كىتابىنا تىركەلەدى. قازىرگى ۋاقىتتا ماتەريال زاڭدى شەشىم قابىلداۋ ءۇشىن ازاماتتىق اۆياتسيا كوميتەتىنە جىبەرىلدى. اتالعان تۇلعالارمەن پروفيلاكتيكالىق اڭگىمە جۇرگىزىلدى. استانا قالاسىنىڭ پوليتسيا دەپارتامەنتى قازاقستان رەسپۋبليكاسىنىڭ اۋە كەڭىستىگىن پايدالانۋ ءتارتىبىن بۇزعانى ءۇشىن جاۋاپكەرشىلىك بار ەكەنىن ەسكەرتەدى»، - دەلىنگەن حابارلامادا.
