پاۆلودار وبلىسىندا كوپ بالالى انا تراكتورمەن ءشوپ جينايدى

اۋىلداستارى كوپ بالالى انانىڭ ىسكەرلىگىنە قىزىعا قارايدى. ال اۋىر تەحنيكانى جولداسىنا قولعابىس ەتۋ ءۇشىن ۇيرەنگەن. ەرتىس وزەنىنىڭ جاعاسىندا تۇرعان باسكول اۋىلىنىڭ تۇرعىندارى جاز بويى ءشوپ شابادى. مال ازىعىن دايىنداۋعا ءتورت بالانىڭ اناسى ءاليا اقانوۆا دا بىلەك سىبانا كىرىسىپ كەتكەن. ول كۇنى بويى قوس باسىندا. تراكتوردى تىزگىندەگەن ەكى جىلدا جۇمىسقا توسەلگەنى كورىنىپ- اق تۇر.

«ۇلكەن تراكتورمەن ەندى جولداسىم ءشوپ شابادى. مەن ەكىنشى تراكتورمەن ءشوپ جينايمىن. ەندى وسى وزىمىزدە 60 گەكتارلىق شابىندىق جەرىمىز بار. ەكى جىل بۇرىن ءوزىمىزدىڭ اتىمىزعا اۋدارعامىز»، دەيدى باسكول اۋىلىنىڭ تۇرعىنى ءاليا اقانوۆا.

باسكول اۋىلىندا 5 مىڭ گەكتارداي شابىندىق القابى بار. ونىڭ باسىم بولىگى ەرتىستىڭ ارعى بەتىندە. تۇرعىندار ۇزاق جىلدار بويى ءشوپتى سال ارقىلى تاسىمالداپ كەلەدى.

«مۇز قاتقانشا تاسىپ الامىز ەندى شامامىز جەتكەنشە. وسى پاروممەن كەزەكتەسىپ كەزەك تاڭەرتەڭنەن كەشكە دەيىن. ارى كەتسە ءبىر ەكى رەيس، ءۇش رەيس قانا اكەلەمىز. سول ەندى كۇندە - كۇندە وسىمەن اقىرىن-اقىرىن وتەمىز»، دەيدى باسكول اۋىلىنىڭ تۇرعىنى بەرىك اقانوۆ.

ءاليا مەن بەرىك كۇنىنە 2-3 مايا ءشوپ شاۋىپ، جينايمىز دەيدى. قازىردىڭ وزىندە 100 مايا ءشوپتى باستىرىپ العان. ەندى قار تۇسپەي تۇرىپ، بەرگى بەتكە وتكىزىپ ۇلگەرۋلەرى كەرەك.

«ايەل ادام ءبىر قولىمەن بەسىك تەربەتسە، ەكىنشى قولىمەن الەمدى تەربەتەدى دەپ. سوسىن قىس مەزگىلىندە تاعى دا وسىلاي جولداسىمنىڭ جانىندا جۇرەم، ءشوپ شاشىپ مالدارعا، سۋارىپ بىرگە جانىندا جۇرەمىز»، دەيدى باسكول اۋىلىنىڭ تۇرعىنى ءاليا اقانوۆا.

ءبىر-بىرىنە سۇيەۋ بولعان ءاليا مەن بەرىك اقانوۆتار قيىندىقتى بىرگە جەڭۋدە. جۋىردا ولار جەكە شارۋا قوجالىعىن قۇرعان. كەلەشەكتە مال باسىن كوبەيتىپ، اۋدانداعى ىسكەر ازاماتتاردىڭ قاتارىنا قوسىلۋدى ماقسات ەتىپ وتىر.

24.kz