09:20, 10 - قازان 2022 | GMT +6
قوستانايدا ورتتەن زارداپ شەككەندەرگە ارنالعان ۇيلەردىڭ قۇرىلىسى رەكوردتىق مەرزىمدە اياقتالىپ قالدى
قوستاناي. قازاقپارات - قوستاناي وبلىسىنىڭ اكىمى ارحيمەد مۇحامبەتوۆ Instagram پاراقشاسىندا اۋليەكول اۋدانىندا ورتتەن زارداپ شەككەندەرگە ارنالعان ۇيلەردىڭ قۇرىلىسى اياقتالىپ قالعانىن ءمالىم ەتتى، دەپ حابارلايدى قازاقپارات ءتىلشىسى.
«اۋليەكول اۋدانىندا رەكوردتىق قىسقا مەرزىمدە تۇرعىن ۇيلەردىڭ قۇرىلىسى اياقتالۋعا جاقىن. جاقىن ارادا تۇرعىنداردى قونىستاندىرۋ باستالادى. كورىپ وتىرعاندارىڭىزداي، فوتوسۋرەتتەردە ءبىر ايداعى ۇلكەن وزگەرىستەردى بايقاۋعا بولادى»، - دەپ جازدى ارحيمەد مۇحامبەتوۆ.
شىنىندا دا، سالىستىرمالى ەكى فوتوسۋرەتتە ءبىر ايدىڭ ىشىندە ەن دالادا تۇتاس ءبىر كوتتەدجدىك اۋىل قالاي تۇرعىزىلعانى بايقالادى.
سونداي-اق، ا. مۇحامبەتوۆ دايىن ۇيلەردىڭ ءبىرىنىڭ ءىشى قالاي كورىنەتىنىن ۆيدەوسىن جاريالادى.
بۇعان دەيىن ورمان ورتىنەن زارداپ شەككەن اۋليەكول اۋدانى تۇرعىندارىنىڭ ۇيلەرىن سالۋعا بىرنەشە ونداعان مەردىگەر ۇيىمدار كىرىسكەنى حابارلانعان بولاتىن.
قۇرىلىس جۇمىستارى تاۋلىك بويى جۇرگىزىلدى.
