13:56, 09 - قازان 2022 | GMT +5
الماتى كۇزىنىڭ قايتالانباس بوياۋلارى - فوتورەپورتاج
الماتى. قازاقپارات - الماتى كۇزى ەرەكشە. اسىرەسە، تاۋداعى كورىنىس كەرەمەت. ەرتە كوكتەمنەن باستاپ جاسىل تۇسكە ەنەتىن مەگاپوليس كۇزدە التىن تۇسكە تۇرلەنەدى.
قازاقپارات اگەنتتىگى وقىرماندارىنا مەدەۋدەگى قايتالانباس بوياۋلاردى ۇسىنادى.
جىلدىڭ وسى مەزگىلىندە الماتى تاۋلارىندا ۇزاق ۋاقىت سەرۋەندەپ، تابيعات اياسىنا شىققان جاقسى. كۇز اعاشتاردىڭ جاپىراقتارىن جارقىن بوياۋلارعا قانىق ەتەدى: سارى، سارعىلت، قىزىل.
مەدەۋ شاتقالى ىلە الاتاۋىنىڭ سولتۇستىك باۋرايىندا كىشى الماتى وزەنى اڭعارىندا، تەڭىز دەڭگەيىنەن 1520- 1750 مەتر بيىكتىكتە ورنالاسقان. ونى كىماسار تاۋ سىلەمى قورشاپ جاتىر. تاۋلاردىڭ بەتكەيىندە قىلقان جانە جالپاق جاپىراقتى اعاشتار كوپ. مەدەۋ - قالا تۇرعىندارى مەن قوناقتارىنىڭ ەڭ سۇيىكتى جەرى. مۇندا تازا اۋامەن تىنىستاپ، سۋرەتكە ءتۇسۋ ءۇشىن ارنايى كەلەدى.
دەمالىس كۇندەرى جاياۋ قىدىرىپ، ادەمى پەيزاجدىڭ كۋاسى بولعىڭىز كەلسە، مەدەۋگە بارىڭىز.
