تەڭگەمەن جيناقتالعان دەپوزيتتەرگە وتەماقى قالاي ەسەپتەلەدى

استانا. قازاقپارات – ق ر قارجى نارىعىن رەتتەۋ جانە دامىتۋ اگەنتتىگى تەڭگەمەن جيناقتالعان دەپوزيتتەردىڭ وتەماقىسى قالاي ەسەپتەلەتىنىن ءتۇسىندىردى، دەپ حابارلايدى قازاقپارات ءتىلشىسى.

وتەماقى قانداي دەپوزيتتەرگە تولەنەدى؟

اگەنتتىكتىڭ رەسمي سايتىندا جەكە تۇلعالاردىڭ تەڭگەمەن جيناقتالعان دەپوزيتتەرىنە وتەماقى تولەۋدىڭ قاعيدالارى جاريالاندى. ول قاعيدالار ق ر ۇكىمەتىنىڭ 2022 -جىلعى 27-تامىزداعى № 614 قاۋلىسىمەن بەكىتىلگەن جانە 2022 -جىلعى 12 -قىركۇيەكتەن باستاپ قولدانىسقا ەنگىزىلگەن.

«وتەماقى مەملەكەتتەن %10 سىيلىقاقى الۋعا كەلىسىمىن راستاعان جانە 2023 -جىلعى 1-قاڭتارعا دەيىن ءوتىنىم جىبەرگەن سالىمشىلارعا عانا تولەنەدى.

سىيلىق اقى اشىلعان جانە 2022 -جىلعى 23-اقپاندا وپەراتسيالىق كۇننىڭ سوڭىندا قالدىعى بولعان تەڭگەدەگى سالىمدار بويىنشا تولەنەتىن بولادى. %10 مولشەرلەمە بويىنشا وتەلۋى مۇمكىن ەڭ جوعارى سوما 20 ميلليون تەڭگەدەن اسپاۋى كەرەك. سونداي- اق، سالىم جاسايتىن دەپوزيت اشىلۋى شارت»، - دەلىنگەن تۇسىندىرمەدە.

ناقتىراق ايتساق، مىناداي تەڭگە سالىمدارىنا وتەماقى تولەنۋگە ءتيىس:

- جيناق سالىمدارى؛

- مەرزىمدى سالىمدار (تۇرعىن ءۇي قۇرىلىس جيناقتارى مەن ءبىلىم بەرۋ جيناقتاۋ سالىمدارىن قوسا العاندا).

«سونداي- اق، سالىمشىدا ءبىر بانكتە بىرەۋدەن ارتىق وتەماقى تولەنەتىن دەپوزيت بولعان كەزدە وتەماقى جالپى سوماسى 20 ميلليون تەڭگە دەن ارتىق بولا المايدى»، - دەپ جازىلعان قاعيدادا.

وتەماقى الۋدىڭ تاعى مىناداي شارتتارى بار:

سىيلىقاقى 2023 -جىلدىڭ 23-اقپانىنا دەيىن وتەماقى تولەنەتىن دەپوزيتتەن ءىشىنارا اقشا الىنباعان كەزدە جانە 2022 -جىلعى 23-اقپاننان باستاپ 2023 -جىلعى 23 اقپان ارالىعىنداعى كەزەڭدە وتەماقى تولەنەتىن دەپوزيت تولىقتىرىلعان، ءىشىنارا اقشا الىنعان كەزدە - 2022 -جىلعى 23 اقپاننان قوسا العاندا 2023 -جىلعى 23-اقپان ارالىعىنداعى كەزەڭ ءۇشىن وپەراتسيالىق كۇننىڭ سوڭىنا تىركەلگەن، وتەماقى تولەنەتىن دەپوزيتتەگى ەڭ تومەنگى قالدىق سوماسىنا تولەنەدى.

ال وتەماقى تولەنەتىن جاڭا دەپوزيت(- تەر) اشقان كەزدە، وتەماقى تولەنەتىن دەپوزيت مەرزىمى اياقتالعان كۇننەن باستاپ جاڭا وتەماقى تولەنەتىن دەپوزيت جاسالعان كۇنگە دەيىنگى كەزەڭ ءۇشىن وپەراتسيالىق كۇن ىشىندە تىركەلگەن ەڭ تومەنگى قالدىققا تولەنەدى.

سونداي- اق، 2022 -جىلعى 23-اقپاننان باستاپ 2023 -جىلعى 23-اقپان ارالىعىنداعى كەزەڭدە سالىمداردى تۇرعىن ءۇي قۇرىلىس جيناقتارىنا بىرىكتىرگەن كەزدە - 2022 -جىلعى 23-اقپاننان باستاپ قوسا العاندا 2023 -جىلعى 23-اقپان ارالىعىنداعى كەزەڭدەگى وپەراتسيالىق كۇننىڭ سوڭىنا تىركەلگەن، بىرىكتىرىلگەن سالىمداردىڭ ەڭ تومەنگى قالدىق سوماسىنا وتەلەدى.

سونىمەن قاتار 2022 -جىلعى 23-اقپاننان باستاپ 2023 -جىلعى 23-اقپان ارالىعىنداعى كەزەڭدە سالىمداردى تۇرعىن ءۇي قۇرىلىس جيناقتارىنا بولگەن كەزدە - 2022 -جىلعى 23-اقپاننان باستاپ 2023 -جىلعى 23-اقپان ارالىعىنداعى كەزەڭدەگى وپەراتسيالىق كۇننىڭ سوڭىنا تىركەلگەن، بولىنگەن سالىمداردىڭ ەڭ تومەنگى قالدىق سوماسىنا ەسەپتەلەدى.

«ەگەر وتەماقى تولەنەتىن دەپوزيتتىڭ مەرزىمى اياقتالسا جانە 2022 -جىلعى 24 -اقپاننان 2022 -جىلعى 1-قازان ارالىعىنداعى كەزەڭدە ۇزارتىلماسا، سالىمشىنىڭ كەلىسىمىمەن وسىنداي وتەماقى تولەنەتىن دەپوزيتتەن سول بانكتەگى جاڭا وتەماقى تولەنەتىن دەپوزيتكە (- تەرگە) اقشا اۋدارۋعا جول بەرىلەدى.

ءبىراق ول ءۇشىن مىناداي تالاپتار ساقتالۋى كەرەك:

- مۇنداي اۋدارىم 2022 -جىلعى 23-اقپاندا وپەراتسيالىق كۇننىڭ سوڭىندا قولدانىلعان، وتەماقى تولەنەتىن دەپوزيتتىڭ قولدانىلۋ مەرزىمىنىڭ وتۋىنە بايلانىستى بانك اقشانى قايتارعان جاعدايدا، جيناق شوتىنان، ونىڭ ىشىندە «جەكە تۇلعالاردىڭ تالاپ ەتىلگەنگە دەيىنگى سالىمدارى» شوتىنان نە سالىمشىنىڭ اعىمداعى شوتىنان جۇزەگە اسىرىلعان بولسا.

«سالىمشىلارعا سىيلىقاقى 2023 -جىلعى 23-اقپاننان كەيىن ولاردىڭ سالىمدارىنا ەسەپتەلەدى. وتەماقى تولەمى ءۇشىن ارنايى جەكە شوتتار اشۋدىڭ كەرەگى جوق»، - دەپ جازادىاگەنتتىك ماماندارى.

وتەماقى الۋ ءۇشىن ءوتىنىش قالاي بەرۋ كەرەك؟

وتەماقى (سىيلىقاقى) 2023 -جىلعى 1-قاڭتاردان كەشىكتىرىلمەيتىن مەرزىمدە بانككە ءوتىنىش بەرۋ ارقىلى ءوز كەلىسىمىن بەرگەن سالىمشىلارعا عانا تولەنەدى.

سالىمشىنىڭ كەلىسىم بەرۋ تۋرالى ءوتىنىشىن بەرۋ ءتارتىبى بويىنشا ايقىندايدى.

سالىمشى وتىنىشتە ءوزىنىڭ تەگىن، اتىن، اكەسىنىڭ اتىن (جەكە كۋالىگىندە نەمەسە پاسپورتتا بار بولسا عانا)، جەكە سايكەستەندىرۋ ءنومىرىن كورسەتۋى كەرەك. سونداي- اق، سىيلىقاقى الۋعا جانە بانكتىك جانە زاڭمەن قورعالاتىن وزگە دە قۇپيانى قۇرايتىن اقپاراتتى ۇسىنۋعا كەلىسىمىن بەرۋى شارت. «دەربەس دەرەكتەر جانە ولاردى قورعاۋ تۋرالى» ق ر زاڭىنا سايكەس دەربەس دەرەكتەردى جيناۋعا جانە وڭدەۋگە كەلىسىمىن بەرۋى قاجەت.

قوسىمشا سۇراقتارمەن قايدا جۇگىنۋگە بولادى؟

سالىمشىلار وتەماقالۋ تالاپتارىنا بايلانىستى كونسۋلتاتسيالار الۋ ءۇشىن «1477» ءنومىرى بويىنشا قازاقستان ۇلتتىق بانكىنىڭ بايلانىس ورتالىعىنا حابارلاسا الادى.

«ال قارجىلىق قىزمەتتەر الۋ كەزىندە قۇقىقتارىم بۇزىلدى دەپ ەسەپتەيتىن ازاماتتار ق ر قارجى نارىعىن رەتتەۋ جانە دامىتۋ اگەنتتىگىنە А15С9Т5 ، الماتى ق. , كوكتەم-3 شاعىن اۋدانى، 21 ءۇي مەكەنجايى بويىنشا جازباشا ارىز تۇسىرە الادى.

سونداي- اق، Egov.kz ەلەكتروندىق ۇكىمەت پورتالى ارقىلى ارىزدانۋعا بولادى.

قارجى رەتتەۋشىسىنە ءوتىنىش جازۋ بويىنشا كونسۋلتاتسيالار الۋ ءۇشىن سالىمشىلار «1459» ءنومىرى بويىنشا اگەنتتىكتىڭ call-ورتالىعىنا قوڭىراۋ شالۋعا نەمەسە مىنا سىلتەمەلەر ارقىلى: جۇكتەۋگە بولاتىن «Fingramota Online « موبيلدىك قوسىمشاسى ارقىلى سۇراقتار قويا الادى. سونداي- اق موبيلدىك قوسىمشانىڭ ۆەب- نۇسقاسى قولجەتىمدى: http://online.fingramota.kz/ru»، - دەپ جازىلعان اگەنتتىك مالىمەتىندە.

بۇعان دەيىن «وتباسى بانك» ا ق ءتوراعاسى ءلاززات يبراگيموۆا تەڭگەمەن جيناقتالعان دەپوزيت بويىنشا مەملەكەتتىك وتەماقى الۋعا ءوتىنىش قابىلداۋ باستالعانىن ءمالىم ەتكەن ەدى.

«وتباسى بانك» ا ق ورتالىق فيليالىنىڭ ديرەكتورى جانسۇلتان ماتايتىڭ ايتۋىنشا، «وتباسى بانك» تەڭگە دەپوزيتتەرىن قورعاۋ بويىنشا وتەماقى بەرۋ باعدارلاماسىنا قاتىسىپ جاتىر.

«بۇل جەردە نەسيە جيناپ جاتقان، ازىرگە باسپانا الماعان ادام دا باعدارلاماعا قاتىسا الادى. وعان دا 10 پايىز وتەماقى بەرىلەدى.

سونداي- اق 2022 -جىلدىڭ 20-اقپانىنا دەيىن بىزدەن ارالىق جانە الدىن الا زايم العان، بىزدەگى كەپىلدە تۇرعان دەپوزيتتەرگە دە 10 پايىز ۇستىنە قوسىلادى. مەرزىمدەرىن ناقتىلاساق، 1-قازاننان 1-قاڭتارعا ونلاين تۇردە ءوتىنىش بەرۋ كەرەك»، - دەگەن بولاتىن جانسۇلتان ماتاي.