بەلارۋس، رەسەي جانە ۋكراينالىق قۇقىق قورعاۋشىلار نوبەل سىيلىعىن الدى
بيىل نوبەل سىيلىعىنىڭ جالعىز جەكە يەگەرى بەلارۋستىق قۇقىق قورعاۋشى، «ۆياسنا» قۇقىق قورعاۋ ورتالىعىنىڭ ءتوراعاسى، «ار- ۇجدان تۇتقىنى» الەس بەلياتسكي بولدى. سونىمەن قاتار، 2022 -جىلعى بەيبىتشىلىك سىيلىعىن ەكى قۇقىق قورعاۋ ۇيىمى ءبولىستى. ولار: رەسەيدىڭ «مەموريال» ورتالىعى جانە ۋكراينانىڭ ازاماتتىق بوستاندىقتار ورتالىعى.
وتكەن جىلى بەيبىتشىلىك سالاسىنداعى نوبەل سىيلىعى فيليپپين ءجۋرناليسى ماريا رەسسا مەن رەسەيلىك جۋرناليست، «نوۆايا گازەتانىڭ» باس رەداكتورى دميتري مۋراتوۆقا بەرىلگەن بولاتىن.
مۇراتوۆتان باسقا رەسەيدە ك س ر و- نىڭ سوڭعى باسشىسى ميحايل گورباچيەۆ (1990 -جىلى) «شىعىس پەن باتىس اراسىنداعى قارىم- قاتىناستى تۇبەگەيلى وزگەرتۋدەگى جەتەكشى ءرولى ءۇشىن» جانە قۇقىق قورعاۋشى، عالىم اندرەي ساحاروۆ (1975 -جىلى) «كەڭەس وداعىندا ادام قۇقىقتارى ءۇشىن كۇرەس، قارۋسىزدانۋ جانە حالىقتار اراسىنداعى ىنتىماقتاستىق ءۇشىن» الدى.
