كيبەرقاۋىپسىزدىك: «قازپوشتانىڭ» ونلاين سەرۆيستەرىندەگى اقاۋلار جوندەلدى

استانا. قازاقپارات - «قازپوشتا» ا ق ونلاين قىزمەتتەرىندە اقاۋ تۋىنداپ، قالپىنا كەلتىرۋ جۇمىستارى جۇرگىزىلدى، دەپ حابارلايدى قازاقپارات ءتىلشىسى.

«2022-جىلعى 7- قازاندا «قازپوشتا» ا ق سەرۆيستەرىنىڭ قولجەتىمدى بولماي قالعانى انىقتالدى. تەحنيكالىق پروبلەمالار سىرتتاعى پروۆايدەر - پاۆلودار قالاسىنداعى «قازكلاۋد» ج ش س دەرەكتەردى وڭدەۋ ورتالىعىندا بايقالدى. تالداۋ جۇرگىزۋ كەزىندە «قازكلاۋد» ج ش س- نە پروبلەمالاردى جويۋعا ءوتىنىم جىبەرىلدى»، - دەپ جاۋاپ بەردى «قازپوشتا» ا ق باسپا ءسوز قىزمەتى اگەنتتىك ساۋالىنا.

باسپا ءسوز قىزمەتىنىڭ ايتۋىنشا، «قازكلاۋد» ج ش س ۆيرتۋالدى ماشينالارىنىڭ دەرەكتەردى ساقتاۋ جۇيەسىندە تۋىنداعان قاتەلەر «قازپوشتا» ا ق بارلىق سەرۆيستەرىن قولجەتىمسىز ەتكەن.

«تاڭنان بەرى قالپىنا كەلتىرۋ جۇمىستارى جۇرگىزىلدى - قىزمەتتەر ىسكە قوسىلىپ، جۇيەلەردىڭ جۇمىسى تەكسەرىلدى. قازىرگى ۋاقىتتا قالپىنا كەلتىرۋ جۇمىستارى اياقتالدى، جۇيەلەر قالىپتى رەجيمدە جۇمىس ىستەپ تۇر»، - دەيدى قازپوشتا.

وسىعان دەيىن قازنەتكە بىرنەشە كۇن بويى تولاسسىز كيبەرشابۋىل جاسالىپ جاتقانى تۋرالى حابارلاندى.