قايرات ساتىبالدى جازاسىن قايدا وتەيدى؟

استانا. قازاقپارات - اسا ءىرى كولەمدە اقشا جىمقىردى دەپ ايىپتالعان ەكس-پرەزيدەنت نۇرسۇلتان نازاربايەۆتىڭ نەمەرە-ءىنىسى قايرات ساتىبالدى جازاسىن شىعىس قازاقستان وبلىسىندا ورنالاسقان كولونيادا وتەيتىن بولدى.

ۇكىم جاريالانعاننان كەيىن 15 كۇن ىشىندە سوتتالۋشى نەمەسە ونىڭ قورعاۋشىلارى سوت شەشىمىنە شاعىمدانباسا، ول شىعىس قازاقستاندا ورنالاسقان و ۆ-156/20 كولونياسىنا اۋىستىرىلادى، دەپ حابارلادى ق ر ءى ءى م ت ج ك باسپا ءسوز قىزمەتى.

«بۇل - ارناۋلى جانە قۇقىق قورعاۋ ورگاندارىنىڭ بۇرىنعى قىزمەتكەرلەرىنە ارنالعان و ۆ-156/20 قىلمىستىق-اتقارۋ جۇيەسىنىڭ ورتاشا قاۋىپسىزدىكتەگى مەكەمەسى»، - دەپ حابارلادى ق ر ءى ءى م ت ج ك باسپا ءسوز قىزمەتى.

ۆەدومستۆانىڭ مالىمەتىنشە، قايرات ساتىبالدى اۋىستىرىلعانعا دەيىن استاناداعى تەرگەۋ يزولياتورىندا بولادى. سوتتالعان ادام اپەللياتسيالىق شاعىم تۇسىرسە، ول ونى قاراۋ مەرزىمىنە دەيىن تەرگەۋ يزولياتورىندا قالادى.

قايرات ساتىبالدىعا قاتىستى سوت ۇكىمى 26- قىركۇيەكتە شىققان. ول كىناسىن مويىنداپ، كەلتىرىلگەن زالالدى مەملەكەتكە قايتارۋ ارقىلى اناعۇرلىم «جۇمساق» سوت ۇكىمىنە - سوتتاۋ مەرزىمىن جارتىسىنا دەيىن قىسقارتۋعا قول جەتكىزگەن.

سوت شەشىمىنە ساي، ونىڭ دۇنيە-مۇلكى تاركىلەنىپ، 10 جىلعا مەملەكەتتىك قۇرىلىمدا قىزمەت ەتۋگە تىيىم سالىندى. جازاسىن قاۋىپسىزدىگى ورتاشا مەكەمەدە وتەيدى.

ۇلتتىق قاۋىپسىزدىك ورگانىنىڭ گەنەرال-مايور شەنىنەن، «قۇرمەت»، «پاراسات» وردەندەرىنەن ايىرىلادى.

2022-جىلعى 13- ناۋرىزدان سوت ۇكىمى شىققانعا دەيىنگى قاماۋدا وتىرعان مەرزىمنىڭ ءار كۇنى جازا وتەۋدىڭ ءبىر جارىم كۇنىنە تەڭەستىرىلەدى. دەمەك ساتىبالدى وزىنە كەسىلگەن 6 جىلدىڭ 9 ايىن وتەپ تاستادى دەگەن ءسوز.

Qamshy.kz