ءابيبا ابۋجاقىنوۆا قازاق قىزدارى اراسىنان العاش رەت دزيۋدودان الەم چەمپيوناتىنىڭ جۇلدەگەرى اتاندى

استانا. قازاقپارات - تاشكەنت قالاسىندا دزيۋدودان ءوتىپ جاتقان الەم چەمپيوناتىندا ءابيبا ابۋجاقىنوۆا قولا جۇلدەگەر اتاندى، دەپ حابارلايدى قازاقپارات ءتىلشىسى.

ءا. ابۋجاقىنوۆا 48 كەلىگە دەيىنگى سالماقتا قولا جۇلدە ءۇشىن باسەكەدە چيليلىك ماري دي ۆارگاس لەيمەن تاتاميگە شىقتى.

بەلدەسۋ وتە تارتىستى ءوتىپ، قوسىمشا ۋاقىتتا چيليلىك دزيۋدوشى ءۇشىنشى ەسكەرتۋ الىپ، جەڭىس ءابيباعا بەرىلدى.

العاشقى بەلدەسۋلەرىن ءساتتى وتكىزگەن ءابيبا جارتىلاي فينالدا جاپونيالىق ناسۋمي سۋنادەگە ەسە جىبەرگەن ەدى.

وسىلايشا، ءا. ابۋجاقىنوۆا قازاق قىزدارى اراسىنان العاش رەت الەم چەمپيوناتىنىڭ جۇلدەگەرى اتاندى. بۇعان دەيىن قازاقستان اتىنان كۇرەسكەن فاميلياسىندا وتگونسەتسەگ گالبادراح دۇنيەجۇزىلىك دودادا جۇلدەگە قول جەتكىزگەن ەدى.

ءابيبانىڭ بيىلعى جەتىستىكتەرى وتە جاقسى. ول بيىل استانادا وتكەن ازيا چەمپيتوناتىنىڭ كۇمىس مەدالىنە يە بولعان ەدى. سونداي- اق ۇلان- باتىردا وتكەن Grand Slam تۋرنيرىندە جۇلدەگەر اتاندى.

ەسكە سالا كەتەيىك، بۇدان بۇرىن دزيۋدودان الەم چەمپيوناتىنا قاتىساتىن قازاقستان قۇراماسى انىقتالعانىن جازعان بولاتىنبىز.

سونداي- اق دزيۋدودان الەم چەمپيوناتىندا ەلدوس سمەتوۆ شيرەك فينالدا ءسۇرىندى.

ەلدوس قولا جۇلدە ءۇشىن كۇرەسەدى.