ەلىمىزدەگى ءدارى-دارمەككە ءبىرىڭعاي باعا بەلگىلەنبەك

بۇل تۋرالى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى مارات وماروۆ VIII ەۋرازيالىق مونوپولياعا قارسى فورۋم بارىسىندا ايتتى، دەپ حابارلايدى قازاقپارات ءتىلشىسى.

اتالعان فورۋم بارىسىندا مارات وماروۆ اگەنتتىك جۇمىسىنىڭ ءۇش ستراتەگيالىق باعىتىنا توقتالدى.

«بۇگىنگى فورۋم ءبىزدىڭ ەلدەرىمىزدىڭ مونوپولياعا قارسى ورگاندارى اراسىندا تاجىريبە مەن ءبىلىم الماسۋ ءۇشىن ماڭىزدى ساراپتامالىق الاڭ. قازاقستان ءىس جۇزىندە باسەكەلەستىكتى كەڭەيتۋگە مۇمكىندىك بەرەتىن مونوپولياعا قارسى ساياساتتىڭ جاڭا باعىتتارىن بەلگىلەدى. ءبىز ءۇش باعىتتى بەلگىلەدىك: جەكەشەلەندىرۋدىڭ جاڭا تەتىكتەرى، مەملەكەتتىك قولداۋ شارالارىنا تەڭ قولجەتىمدىلىك، سونداي-اق باسەكەلەستىكتى دامىتۋ»، - دەدى مارات وماروۆ.

ول جاقىن ارادا جەكەشەلەندىرۋ تەتىگى قايتا قارالاتىنىن، اتاپ ايتقاندا، جەكەشەلەندىرۋگە جاتاتىن نىسانداردى ىرىكتەۋدىڭ نەگىزگى كورسەتكىشتەرى بەلگىلەنەتىنىن جەتكىزدى.

«كاسىپكەرلەردى مەملەكەتتىك قولداۋ شارالارىن ارتتىرۋعا كەلەتىن بولساق، ب ق د ا مەملەكەتتىك قولداۋ شارالارىنا تەڭ قولجەتىمدىلىك پرينتسيپىن ۇستانادى. ول ءۇشىن مەملەكەتتىك قولداۋ شارالارىن الۋشىلاردىڭ تۇپكىلىكتى بەنەفيتسيارلارىنا تالداۋ جاسالادى. سونىمەن قاتار، مەملەكەتتىك ساتىپ الۋلار مەن كۆازيسەكتوردىڭ ساتىپ الۋلارى شاعىن جانە ورتا بيزنەستى قولداۋعا باسا نازار اۋدارا وتىرىپ، بيزنەستى قولداۋدىڭ قوسىمشا قۇرالى رەتىندە قاراستىرىلاتىن بولادى»، - دەدى ول.

سپيكەردىڭ سوزىنشە، بۇل جەردە باسەكەلەستىك ورتاعا بىرلەسكەن اسەر ەتۋدىڭ نەگىزگى تەتىكتەرىن، كورسەتكىشتەردى انىقتاۋ قاجەت. «كورسەتكىشتەرگە كەلەتىن بولساق، ە ى د ۇ ەلدەرىندە رەتتەۋ ارقىلى جاسالعان رەتتەۋشى كەدەرگىلەر PMR (Product Market Regulation) كورسەتكىشتەرىمەن ولشەنەدى. ءبىز ولاردى اگەنتتىكتىڭ تيىمدىلىكتى باعالاۋ جۇيەسىنە ەنگىزۋدى جوسپارلاپ وتىرمىز»، - دەدى مارات وماروۆ.

سونداي-اق اگەنتتىكتىڭ الدىندا جاڭا مىندەتتەر تۇر.

«اگەنتتىك نارىقتاردىڭ تيىمدىلىگىن ارتتىرۋدى، ەركىن باسەكەلەستىك ءۇشىن قولايلى ينستيتۋتسيونالدىق جانە ۇيىمداستىرۋشىلىق جاعدايلاردى جاساۋدى، باعانى مەملەكەتتىك رەتتەۋدەن نارىقتىق باعا بەلگىلەۋگە باسا نازار اۋدارۋدى جوسپارلاپ وتىر. ءبىز ءدارى-دارمەك باعاسىن كەزەڭ-كەزەڭىمەن رەتتەۋدى ۇسىنىپ وتىرمىز. قازىر نارىق قاتاڭ رەتتەلەدى، تىركەلگەن دارىلەردىڭ تولىق ءتىزىمى بويىنشا باعا بەلگىلەندى. ءبىرىنشى كەزەڭدە ءدارى-دارمەكتىڭ 220 ساۋدالىق اتاۋىن، ونىڭ ىشىندە رەتسەپتسىز ساتىلاتىن پرەپاراتتاردى رەتتەۋدەن شىعارۋ جوسپارلانۋدا»، - دەدى سپيكەر.

ايتا كەتەيىك، الماتىدا VIII ەۋرازيالىق مونوپولياعا قارسى فورۋم ءوتىپ جاتىر. وعان قازاقستان، رەسەي، ازەربايجان، وزبەكستان ساراپشىلارى قاتىسىپ جاتىر.