ۇيدەگى جاعىمسىز يىستەن ارىلۋ ءۇشىن

استانا. قازاقپارات - بايقاساڭىز، ءار ۇيگە بارعاندا ءارتۇرلى ءيىس شىعىپ تۇرادى. بۇل ءبىر كۇندىك نە ۇزاق ۋاقىتتىق بولۋى مۇمكىن.

بىرەۋدىڭ ۇيىنەن ۇنەمى ىستىق، ءتاتتى تاعامداردىڭ ءيىسى شىقسا، ەندى بىرەۋدىڭ ۇيىنەن سىزدىڭ ءيىسى ءبىلىنۋى مۇمكىن. ۇيدەگى بارلىق ارتىق يىستەن ارىلۋعا بولادى. قالاي؟

ءۇي تازالار كەزدە شاڭسورعىشتى قوسپاي تۇرىپ، مىنا ءادىستى بايقاپ كورىڭىز. كىشكەنە ماقتاعا لاۆاندا مايىن تامىزىپ، ونى شاڭسورعىشقا ماتاپ قويىڭىز. سوندا ول جۇرگەن ءىزىنىڭ بارلىعىنا پروۆانسالدىق حوش ءيىس قالدىرىپ وتەدى. نەمەسە لاۆاندانى ءوز تالعامىڭىزعا قاراي، سيترۋس يىسىنە، اپەلسين مايىنا الماستىرساڭىز بولادى. توڭازىتقىش ساز بالشىقتان جاسالعان كەۋەك تاسقا نە قاراپايىم داكەگە لاۆاندا ەفير مايىنىڭ 1 تامشىسىن جانە ليمون مايىنىڭ 1 تامشىسىن تامىزىپ توڭازىتقىش ەسىگىنە سالىپ قويىڭىز. داكەدە ەفير مايى تەز بۋلانىپ كەتەدى. ەفير مايىن مەزگىل- مەزگىل سايىن اۋىستىرىپ وتىرىڭىز.

قىسقاتولقىندى پەش سۋ قۇيىلعان ىدىسقا ءۇش تامشى ليمون ەفير مايىن نە جالبىزدى سالىپ، قىسقاتولقىندى پەش ىشىنە سالىپ قويىڭىز. 3 مينۋت وتكەن سوڭ الىپ تاستاڭىز. پەشىڭىز حوش ءيىسى اڭقىپ تۇرادى. قوقىس شەلەگىن جاقسىلاپ جۋىپ تازالاپ، كەپكەن سوڭ، تۇبىنە ماقتا نە ماتا سالىپ قويىڭىز. وعان دا لاۆاندا مايىنىڭ ءبىر تامشىسىن تامىزۋدى ۇمىتپاڭىز. وزىڭىزگە ۇنايتىن ءيىستى ەفير مايىن الىڭىز دا، ونى 1 ل سىركەسۋىنا قوسىڭىز. سىلكىلەپ، ارالاستىرىڭىز. بۇل قاراپايىم دا ءتيىمدى قوسپانى كەز كەلگەن جەردى تازالاۋعا قولدانساڭىز بولادى. ءتىپتى كۇلسالعىشقا دا حوش ءيىس بەرەدى.

***

لاۆاندا - حوش ءيىستى وسىمدىك. ول تۇرمىستىق جانە وندىرىستىك ورىندا قولدانىلادى. سونىمەن قاتار، ەجەلدەن بەرى لاۆاندانى ءداستۇرلى ەمەس مەديتسينادا بالگەرلىك قۇرال رەتىندە پايدالانىپ كەلەدى. قازىرگى كەزدە لاۆاندانىڭ ەفير مايىن اروماتەراپياعا جاقسى قولدانادى.

لاۆاندا ەفير مايىن ونىڭ Lavandula officinalis دەپ اتالاتىن تۇرىنەن بۋمەن تازارتۋ ادىسىمەن الادى. بۇل وسىمدىكتىڭ بارلىق بولىكتەرىنىڭ قۇرامىندا ەفير مايى بار، ءبىراق كوپ مولشەرى گۇلشوعىرعا جينالادى. لاۆاندا ەفير مايى - جەڭىل، ءتۇسسىز سۇيىقتىق، ونىڭ نەگىزگى بولىگى L- لينالوولا ءسپيرتىنىڭ جانە بىرنەشە قىشقىلدىڭ (سىركە، كاپرون، ۆالەريان، ماي) كۇردەلى ەفيرلەرى بولىپ تابىلادى.

لاۆاندا مايىن ەمدىك قاسيەتتە قولدانۋ

ەجەلدەن بەرى لاۆاندا گۇلىن جانە تۇنباسىن جۇرەك- قان تامىرلار، نيەۆرولوگيالىق جانە قابىنبا اۋرۋلاردى ەمدەۋگە قولدانعان. اروماتەراپيەۆتتەر لاۆاندا ەفير مايىن ءىشۋدى ۇسىنبايدى، سەبەبى ول تازا كۇيىندە اسقازاننىڭ شىرىشتى قابىعىن تىتىركەندىرۋى مۇمكىن.

لاۆاندا ەفير مايى ەمدىك قاسيەتتە كەڭىنەن قولدانىلادى:

- جالپى بوساڭسۋعا، كۇيزەلىستى تۇسىرۋگە جانە تىنىش ۇيىقتاۋعا بولمەدە اروماشامدى قولدانۋ جەتكىلىكتى؛

- 5-7 تامشى لاۆاندا ەفير مايى قوسىلعان جىلى كومپرەستەر اۋىرۋدى باسادى؛

- نەسەپ- تاس اۋرۋى، پيەلونەفريت (بۇيرەك قابىنۋى)، نيەۆرالگيا (جۇيكە اۋرۋى) جانە باسقا دا ىشكى قابىنۋ پروتسەستەرىنە لاۆاندا ەفير مايىنان ۆاننا جاساۋ ارقىلى ەمدەيدى؛

- قاراپايىم ۆاننا قابىلداۋعا 5-7 لاۆاندا ەفير مايىن تامىزۋ - جالپى تىنىشتاندىرۋشى اسەر بەرەدى. مىسالى، ءبىر نارسەنى قاتتى ۋايىمداعاندا وسىنداي ۆاننا قابىلداۋعا بولادى؛

- كەي تەرى اۋرۋلارىنا لاۆاندا مايىمەن نەمەسە ەفير مايلارىنىڭ قوسپاسىمەن ماسساج جاساۋ ارقىلى ەمدەيدى؛

- باس اۋرۋىنا، مۇرىن بىتەلۋىنە نۇكتەلى اروماماسساج جاساۋعا بولادى.

Massaget.kz