قوس ازاماتتىعى بار ەرلى-زايىپتى رەسەيلىكتەر ەلدەن شىعارىلدى
بۇل تۋرالى كولىكتەگى پوليتسيا دەپارتامەنتى باستىعىنىڭ ءبىرىنشى ورىنباسارى ماديار ايتۋعانوۆ ايتتى.
ەرلى-زايىپتىعا قاتىستى ق ر ا ق ب ت ك 496-بابىنىڭ 2-بولىگىمەن، ياعني قازاقستان رەسپۋبليكاسىنىڭ زاڭناماسىندا بەلگىلەنگەن مەرزىمدە شەتەل ازاماتتىعىن الۋ فاكتىسىن حابارلاماۋ بويىنشا اكىمشىلىك ماتەريالدار تولتىرىلدى.
«الماتى قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتىنىڭ قاۋلىسىمەن شەتەلدىكتەرگە 5 جىل مەرزىمگە ق ر اۋماعىنا كىرۋگە تىيىم سالىنىپ، قازاقستان رەسپۋبليكاسىنان تىس جەرگە شىعارىپ جىبەرۋ تۇرىندە جاۋاپقا تارتىلدى»، - دەدى پوليتسيا پولكوۆنيگى.
ەستەرىڭىزگە سالا كەتەيىك، بيىلعى جىلدىڭ باسىنان بەرى كولىك پوليتسەيلەرى قازاقستان رەسپۋبليكاسىنىڭ كوشى-قون سالاسىنداعى زاڭناماسىن بۇزعانى ءۇشىن بارلىعى 986 ازاماتتى، ونىڭ ىشىندە قوس ازاماتتىعى بار 38 ازاماتتى اكىمشىلىك جاۋاپقا تارتقان.
سونداي-اق، سوت قاۋلىسىمەن 155 شەتەلدىك ەلدەن تىس شىعارىلدى.
