پرەزيدەنت: پاۆلودار - ەلىمىزدىڭ ماڭىزدى يندۋستريالىق ورتالىقتارىنىڭ ءبىرى
بۇل تۋرالى مەملەكەت باسشىسى قاسىم-جومارت توقايەۆ پاۆلودار وبلىسى جۇرتشىلىعىمەن كەزدەسۋىندە ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا ەنەرگەتيكالىق قاۋىپسىزدىك بۇكىل الەم ءۇشىن وتە وزەكتى ماسەلە بولىپ وتىر. ەلەكتر ەنەرگياسىنىڭ جەتكىلىكتى كولەمى بولعاندا عانا مەملەكەتتەردىڭ قارىشتاپ دامۋى مەن تۇراقتى يندۋستريالىق ءوسۋ مۇمكىندىگى بولادى. سوندىقتان، پاۆلودار-ەرتىس وڭىرىنە قازاقستاننىڭ ەكونوميكالىق پروگرەسىندە ەرەكشە ءرول بەرىلەدى»، - دەدى پرەزيدەنت.
مەملەكەت باسشىسى پاۆلودار وبلىسىنىڭ ەلىمىزدىڭ ماڭىزدى يندۋستريالىق ورتالىقتارىنىڭ ءبىرى ەكەنىن اتاپ ءوتتى.
«رەسۋرستار مەن ەلەكتر ەنەرگياسىنىڭ قولجەتىمدىلىگى، دامىعان ينفراقۇرىلىم ءوڭىردى ودان ءارى دامىتۋ ءۇشىن زور پەرسپەكتيۆالار اشادى»، - دەدى ق. توقايەۆ.
ايتا كەتەيىك، بۇگىن مەملەكەت باسشىسى پاۆلودار وبلىسىنا جۇمىس ساپارىمەن باردى.
