پرەزيدەنت بالقاشتىڭ تۋريستىك الەۋەتىن ارتتىرۋعا تاپسىرما بەردى
«جاز ماۋسىمىندا بالقاشقا قاتىنايتىن اۋە رەيستەرىنىڭ بيلەتتەرىن سۋبسيديالاۋ ماسەلەسىن پىسىقتاعان ءجون. قالانىڭ اۋە ايلاعى ەل اۋەجايلارىن دامىتۋ باعدارلاماسىنا ەنگىزىلۋى كەرەك» ، - دەدى پرەزيدەنت.
سونداي-اق، مەملەكەت باسشىسى قالاعا قاتىنايتىن جاڭا اۋە جانە تەمىرجول مارشرۋتتارىن اشۋ مۇمكىندىگىن قاراستىرۋدى تاپسىردى.
«وسىنداي كەشەندى شارالاردىڭ ارقاسىندا عانا بالقاش ىشكى تۋريزمگە، ال كەلەشەكتە حالىقارالىق تۋريزم ءۇشىن تارتىمدى ورىنعا اينالادى.
ۇكىمەتكە وبلىس اكىمدىگىمەن بىرلەسىپ وسى ماسەلەلەردى پىسىقتاۋدى جانە قالانى دامىتۋدىڭ كەشەندى جوسپارى اياسىندا ءتيىستى ءىس شارالاردى كوزدەۋدى تاپسىرامىن» ، - دەدى قاسىم- جومارت توقايەۆ.
سونداي-اق پرەزيدەنت ەلىمىزدە «قۋاتتى وڭىرلەر - ەل دامۋىنىڭ درايۆەرى» اتتى ۇلتتىق جوبا جۇزەگە اسىرىلىپ جاتقانىن ەسكە سالدى.
«اكىمدىك ۇكىمەتپەن بىرلەسىپ، وسى جوبا اياسىندا باسقا دا شاعىن قالالاردا ىرگەلى باستامالاردى قولعا الۋى كەرەك.
ەكونوميكانى ءارتاراپتاندىرۋ ىسىندە بالقاش وزگەلەرگە ۇلگى بولا الادى. مۇندا ءىرى ونەركاسىپ ورىندارىمەن قاتار تۋريزم سالاسىن وركەندەتۋگە زور مۇمكىندىك بار»، - دەدى مەملەكەت باسشىسى.
