باس پروكۋراتۋرا قوستانايداعى قارۋ دۇكەنىنىڭ جارىلۋ سەبەبىن اتادى

ءورت سالدارىنان 11 ادام زارداپ شەكتى، ونىڭ 4-ەۋى كوز جۇمدى. ولاردىڭ بارلىعى دۇكەننىڭ جۇمىسكەرلەرى ەدى. جارىلىستان كورشىلەس ورنالاسقان كوممەرتسيالىق نىساندار مەن تۇرعىن ۇيلەر دە زاقىمداندى.

تەرگەۋ انىقتاعانداي، دۇكەننىڭ باسشىسى وق- ءدارى وتكىزۋگە رۇقساتى بولعاندىقتان، وقيعا قارساڭىندا قاراعاندى وبلىسىنان «سوكول» ماركالى 40 كيلوگرام وق- ءدارىنى كەيىننەن ولشەپ وراۋ جانە ساتۋ ءۇشىن ساتىپ العان.

بۇل وق- ءدارى قوستاناي قالاسىنا اۋا تەمپەراتۋراسى 36 گرادۋس ىستىق بولعان كەزدە قاۋىپتى جۇكتەردى تاسىمالداۋ ەرەجەلەرىن بۇزا وتىرىپ تاسىمالدانعان جانە جارىلىس ورىن العان دۇكەننىڭ جەرتولە بولمەسىنە ساقتاۋعا قويىلعان.

ساراپشىلار جارىلىستىڭ سەبەبى وق- ءدارىنىڭ تۇتانۋى بولدى، بۇل قيراۋعا جانە ءورتتىڭ تۇتانۋىنا اكەپ سوقتى دەگەن قورىتىندىعا كەلدى.

قازىرگى ۋاقىتتا تەرگەۋ كىنالى ادامداردىڭ جاۋاپتىلىق دارەجەسىن انىقتاۋدا.