شەتەلدەگى قانداستار ءۇشىن شەكارا ءارقاشان اشىق – س ءى م
استانا. قازاقپارات - قازاقستاننىڭ سىرتقى ىستەر مينيسترلىگى تاريحي وتانىنا ورالعىسى كەلەتىن ەتنيكالىق قازاقتار ءۇشىن ەلىمىزدىڭ شەكاراسى مەن ەسىگى ءارقاشان اشىق ەكەنىن مالىمدەدى.
سىرتقى ىستەر مينيسترلىگىنىڭ رەسمي وكىلى ايبەك سمادياروۆتان تاريحي وتانىنا قايتقىسى كەلەتىن رەسەي قازاقتارىنا مينيسترلىك تاراپىنان كومەك كورسەتىلە مە دەگەن سۇراق قويىلدى.
«كوشىرۋ ماسەلەسىنە كەلەتىن بولساق، قازاقستان رەسپۋبليكاسى تاۋەلسىزدىكتىڭ العاشقى كۇندەرىنەن- اق شەتەلدە تۇراتىن بارلىق باۋىرلارىمىزدى قازاقستانعا كوشۋگە شاقىرعانىن بىلەسىزدەر، ولارعا بارلىق جاعداي جاسالعان. قازاقستان رەسپۋبليكاسىنىڭ شەكاراسى مەن ەسىگى ولار ءۇشىن ءارقاشان اشىق»، - دەدى بريفينگتە سىرتقى ىستەر مينيسترلىگىنىڭ رەسمي وكىلى.
Tengrinews.kz
