س ق و-دا ءبىر ساعات ىشىندە جىلقىنىڭ كەسىرىنەن ەكى جول اپاتى بولدى
ەسىل اۋدانىندا پوليتسەيلەر كورنەيەۆكا اۋىلىنىڭ ماڭىندا قايعىلى جاعدايعا سەبەپ بولا جازداعان جىلقىنىڭ يەسىن ىزدەستىرۋدە. جانۋار ءتۇن ورتاسىندا جول ۇستىندە 42 جاستاعى جەرگىلىكتى تۇرعىن جۇرگىزىپ كەلە جاتقان Audi اۆتوكولىگىنە سوقتىعىسقان. جۇرگىزۋشى امان قالدى، جارالانعان جانۋار قاشىپ كەتكەن. يەسى ا ق ب ت ك-نىڭ 408-بابى بويىنشا ەركىن جايىلىمعا جول بەرگەنى ءۇشىن ايىپپۇل تولەۋى مۇمكىن.
جارتى ساعاتتان كەيىن، 3-قازان ساعات 00:30 شاماسىندا وبلىستىڭ باسقا بولىگىندە تابىننان ءبولىنىپ كەتكەن جىلقى Lexus اۆتوماشيناسىنىڭ استىنا تۇسكەن. جول-كولىك وقيعاسى اققايىڭ اۋدانىندا ورىن الدى. جۇرگىزۋشى مەن ونىڭ ايەلى زارداپ شەككەن جوق، جانۋار سول جەردە مەرت بولدى. باقتاشىعا قاتىستى اكىمشىلىك حاتتاما تولتىرىلدى، جازا – 3 ايلىق ەسەپتىك كورسەتكىش مولشەرىندەگى ايىپپۇل.
«ەركىن جايىلىمنىڭ ءاربىر فاكتىسى قايعىلى جاعدايعا اكەپ سوعۋى مۇمكىن. قىركۇيەك ايىندا بۇنداي وقيعالار تايىنشا جانە اقجار اۋداندارىندا دا بولدى. جەرگىلىكتى پوليتسيا قىزمەتىنىڭ ماماندارى اۋىل تۇرعىندارىنا ءتۇسىندىرۋ جۇمىستارىن جۇرگىزۋدە. كۇن سايىن ەركىن جايىلىم فاكتىلەرى انىقتالادى. وبلىستا قاڭعىباس مالدى قاماۋعا ارنالعان 230 قورا بار. ولاردا بيىلدىققا 9766 باس مال قامالىپ، 3480 ىنىڭ يەسىنە ايىپپۇل سالىندى»، - دەيدى س ق و پ د جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ.
9 ايدىڭ ىشىندە س ق و جولدارىندا جانۋارلارمەن سوقتىعىسۋدىڭ 24 دەرەگى تىركەلدى. پوليتسەيلەر اۋىل تۇرعىندارىنان مالدى قاراۋسىز قالدىرماۋدى سۇرايدى.
