استانا تازالىق قىزمەتكەرلەرىنىڭ جالاقىسى كوتەرىلەدى

استانا. قازاقپارات - ەلوردادا «استانا تازالىق» قىزمەتكەرلەرىنىڭ جالاقىسى كوتەرىلەدى.

بۇل تۋرالى قالا اكىمى التاي كولگىنوۆ ءوزىنىڭ Instagram پاراقشاسىندا جازدى، دەپ حابارلايدى قازاقپارات.

«استانا تازالىق» قىزمەتكەرلەرىن كومپانيانىڭ 14 جىلدىعىمەن قۇتتىقتادىم. ءبىزدىڭ كوممۋنالدىق قىزمەتتەر كۇندىز دە، تۇندە دە، كەز-كەلگەن اۋا رايىندا جۇمىس ىستەيدى: ايازدا، جاڭبىردا، قار جاۋعاندا جانە جىلى كەزدە. ولاردىڭ قاجىرلى جانە جاۋاپتى جۇمىسىنىڭ ارقاسىندا قالادا ءتارتىپ پەن تازالىق ساقتالادى. كوممۋنالدىق قىزمەتكەرلەر قالا تۇرعىندارىنا قولايلى جاعداي جاساۋ ءۇشىن جۇمىس ىستەيدى.

ءوز تاراپىمىزدان ءبىز جۇمىس ءۇشىن قولايلى جاعدايدى جاقسارتۋ بويىنشا جۇمىس ىستەپ جاتىرمىز: مىسالى، ءۇش جىل ىشىندە 300 دەن استام ارنايى تەحنيكا مەن جابدىقتار ساتىپ الدىق، وسىلايشا اۆتوپاركتى ايتارلىقتاي جاڭارتتىق جانە كەڭەيتتىك.

جۇيەلى نەگىزدە جالاقىنى ارتتىرامىز. مىسالى، اعىمداعى جىلدىڭ قاراشا ايىنان باستاپ جول جۇمىسشىلارى مەن جۇرگىزۋشىلەردىڭ جالاقىسىن %20 عا ارتتىرامىز (بۇرىن جالاقى باسقا ساناتتار ءۇشىن دە كوتەرىلگەن). سىياقىلار، سونىڭ ىشىندە مەرەكە كۇندەرىنە ەنگىزىلدى. ءبىراق بۇل دا جەتكىلىكسىز. ءبىز جاعداي جاساۋ ءۇشىن بارلىق كۇش- جىگەرىمىزدى جۇمسايمىز، سونىڭ ىشىندە كوممۋنالدىق قىزمەت قىزمەتكەرلەرىنىڭ جالاقىسىن كوتەرەمىز.

ءبىزدىڭ كوممۋنالدىق قىزمەتكەرلەرگە العىسىمدى بىلدىرەمىن! ءبىز سىزدەردىڭ ەڭبەكتەرىڭىزدى باعالايمىز»، - دەپ جازدى ەلوردا اكىمى.