پرەزيدەنت سەمەيدەگى ەسكەركىش تۋرالى: بۇل - ۇستاز بەن شاكىرت، اعا مەن ءىنى اراسىنداعى رۋحاني بىرلىكتىڭ سيمۆولى
«بۇل - ۇستاز بەن شاكىرت، اعا مەن ءىنى اراسىنداعى رۋحاني بىرلىكتىڭ سيمۆولى. شىن مانىندە، قوس الىپتى بولە-جارىپ قاراۋ مۇمكىن ەمەس. ولار اباي مۇراسىن زەرتتەپ، دارىپتەۋگە ولشەۋسىز ەڭبەك ءسىڭىردى. ءتول ادەبيەتىمىزدى جاڭا بەلەسكە كوتەردى. مۇحتار اۋەزوۆ ابايدى، اباي ارقىلى قازاقتى بۇكىل الەمگە تانىتتى. ۇلى ويشىلدىڭ كوركەم بەينەسىن سومداپ، ونىڭ اسىل مۇراسىن ادامزاتتىڭ ورتاق قازىناسىنا قوستى. جازۋشىنىڭ ءار تۋىندىسى جۇرتىمىزدىڭ جۇرەگىنەن وشپەس ورىن الدى. مۇحتار اۋەزوۆ - الەم ادەبيەتىنىڭ شىڭىنا كوتەرىلگەن قالامگەر. ال قايىم مۇحامەدحانوۆ - ۇلى جازۋشىنىڭ جاقىن سەرىگى ءارى شاكىرتى. ول بۇكىل عۇمىرىن اباي تانۋ، شاكارىم تانۋ جانە الاش تانۋ عىلىمىنا ارنادى. قۋعىن-سۇرگىنگە ۇشىراسا دا، تاعدىردىڭ سىناعىنا قارسى تۇرىپ، ەلىنە ادال قىزمەت ەتتى»، - دەدى ق ر پرەزيدەنتى.
ەسكە سالساق، بۇگىن پرەزيدەنت سەمەيدە مۇحتار اۋەزوۆ پەن قايىم مۇحامەدحانوۆقا ارنالعان ەسكەرتكىشتى اشتى.
مەملەكەت باسشىسى جۇمىس ساپارىمەن اباي وبلىسىندا ءجۇر.
