اباي تۋعان توپىراققا كەلگەن ادام بۇل جەردىڭ كيەسىن سەزىنەدى، قاسيەتىن ۇعادى - پرەزيدەنت

سەمەي. قازاقپارات - مەملەكەت باسشىسى قاسىم-جومارت توقايەۆتىڭ اباي وبلىسى جۇرتشىلىعىمەن كەزدەسۋى باستالدى، دەپ حابارلايدى قازاقپارات اقورداعا سىلتەمە جاساپ.

«سەمەي قالاسىنىڭ، اباي وبلىسىنىڭ قازاقستان تاريحىنداعى ورنى ەرەكشە، ءتول شەجىرەمىزدە ايرىقشا ورنى بار ولكە. بۇل - قازاققا اباي، شاكارىم، مۇحتار اۋەزوۆ سياقتى ءبىرتۋار پەرزەنتتەردى سىيلاعان ۇلىلار مەكەنى.

اباي تۋعان توپىراققا كەلگەن ادام بۇل جەردىڭ كيەسىن سەزىنەدى، قاسيەتىن ۇعادى.

سەمەي - ۇلى دالانىڭ ۇلاعاتتى ولكەسى. بۇل - الاش ارىستارىنىڭ ءىزى قالعان، زيالىلارىمىز ەلدىڭ بولاشاعى ءۇشىن كۇرەسكەن قاستەرلى ءوڭىر»، - دەدى پرەزيدەنت.

بۇعان دەيىن حابارلاعانىمىزداي، مەملەكەت باسشىسى قاسىم-جومارت توقايەۆ اباي وبلىسىنا جۇمىس ساپارىمەن باردى.