تورەعالي تورەالىدەن سوققى كورگەن جىگىت ءانشىنى كەشىرمەيتىنىن مالىمدەدى
تۋريستىك گيد بەكارىس قوجبانوۆ وقيعا قالاي باستالعانىن ايتتى.
«سول كۇنى 16.30-داردا تۋريستەرمەن جينالدىق. سول جاقتا تورەعالي اعامىز دەمالىپ جاتىر ەكەن. انىعىراق ايتار بولساق، ماسكەۋدەن كەلگەن تۋريسىمىز بولدى. ول كىسىگە تورەعالي اعامىزدى ماقتاپ، تانىمال ادام ەكەنىن ايتىپ، تانىستىرعان بولاتىنبىز. جالپى ايتقاندا، تانىستىردىق. ماسكەۋدەن كەلگەن تۋريست تورەعالي اعامىزعا بەس سەكۋندتاي قاراپ تۇرعان ەكەن. ارتىنشا، جانجال باستالىپ كەتتى. تورەعالي اعامىز «نەگە قارايسىڭ؟« دەپ اشۋلانىپ كەتتى»، - دەدى گيد.
ارتىنشا، ءانشى تۋريستتى ىزدەپ، گيدكە «شابۋىل» جاساعان.
«كولىگىنەن شىعىپ، جاعامنان ۇستاپ، بەتىمنەن ۇردى»، - دەيدى بەكارىس.
ونىڭ سوزىنشە، تۋريست انشىگە ارتىق ەشتەڭە ايتپاعان. ال تورەعالي تورەالى بوقاۋىز سوزدەر ايتىپ، ۇرسىپ تاستاعان ەكەن.
«ءبارى تۋريست قاراپ تۇرعانى ءۇشىن عانا بولدى. انشىگە جاقىنداپ تانىستىرعان جوقپىز. تۋريست الىستان قاراپ تۇرعانى ءۇشىن بولعان وقيعا»، - دەيدى گيد.
بەكارىستىڭ سوزىنشە، ول جەرگىلىكتى پوليتسيا بولىمىنە ارىزدانعان. ال ءانشىنىڭ وكىلدەرى دە، ءانشىنىڭ ءوزى دە بەكارىسپەن بايلانىسپاعان.
سونىمەن قاتار، بەكارىس قوجبانوۆ ءانشىنى كەشىرمەيتىنىن مالىمدەدى.
«ءانشى بولساڭ دا، پرەزيدەنت بولساڭ دا ادامدى ۇرۋعا بولا ما؟ ول كىسىنى كەشىرمەيمىن. ول كىسىنى كوتەرەتىن دە، تۇسىرەتىن دە حالىق»، - دەدى بەكارىس.
ەسكە سالايىق، كەشە قازنەتتە ءانشى تورەعالي تورەالىدەن سوققى كورگەنىن مالىمدەگەن جىگىتتىڭ ۆيدەوسى تاراعان ەدى. وقيعا الماتى وبلىسىنداعى كولساي كولدەرى دەمالىس ايماعىنىڭ ماڭىندا بولعان.
كوپ ۇزاماي بۇل وقيعاعا قاتىستى پوليتسيا وكىلدەرى پىكىر ءبىلدىردى. پوليتسيا الەۋمەتتىك جەلىگە مونيتورينگ جاساۋ بارىسىندا وسى ۆيدەونى انىقتاعان. ءىس قۇقىقبۇزۋشىلىق ق ر قىلمىستىق كودەكستىڭ 293-بابىندا كوزدەلگەن قىلمىس قۇرامىنىڭ بەلگىلەرى بويىنشا تىركەلدى. بارلىق قاجەت ساراپتامالىق زەرتتەۋ جۇرگىزىلىپ، وقيعانىڭ شىنايى ءمان-جايى انىقتالادى.
Massaget.kz
