تەك اكەم ەكەۋمىز. قازاقستاندىقتار رەسەيگە ۇشقان بوس ۇشاقتى تالقىلاپ جاتىر

استانا. قازاقپارات – قازاقستاندىقتار رەسەيگە ۇشقان بوس ۇشاقتىڭ ۆيدەوسىن تاراتىپ جاتىر. روليكتىڭ اۆتورى بەلگىسىز.

وندا ەر ادام ۇلىمەن بىرگە رەسەيگە ۇشىپ بارا جاتقانىن ايتادى، ءبىراق قايدان كەلە جاتقانىن ناقتىلامايدى. ەكىنشى ۆيدەودا بوس ۇشاق كورسەتىلەدى. روليك كەيىپكەرى «بۇكىل ۇشاققا تاپسىرىس بەرگەنىن» ايتادى.

كەيبىر جەلى قولدانۋشىلارىنىڭ ايتۋىنشا جانە باق مالىمەتىنشە، ۇشاق قازاقستاننان شىققان. الايدا، كادرلار مەن ورىندىقتارعا قاراعاندا، بۇل - S7 Airlines اۆياكومپانياسىنىڭ بورتى. ا ا ك اقپاراتى بويىنشا، بۇل اۆياكومپانيا قازاقستاننان رەسەي فەدەراتسياسىنا جولاۋشى تاسىمالدامايدى. قازاقستاننان رەسەيگە ۇشاتىن ۇشاقتار اراسىندا Qazaq Air، SCAT، «روسسيا»، «ازيمۋت»، Red Wings جانە UTAir بار.

Telegram-ارنالاردىڭ بىرىندە S7 Airlines رەيسى بىشكەكتەن يركۋتسكىگە ۇشقانى جازىلعان. بورتتا ەكى جولاۋشى بولعان، بۇل رەيس 26-قىركۇيەكتە Airbus A320 ۇشاعىمەن ورىندالعان. جالپى، ءۇش بيلەت ساتىپ الىنعان.

«باسقا كۇندەرى كوبىرەك بولعان (70-100 اۆيابيلەت ساتىپ الىنعان). اۆياكومپانيا بۇل رەيستى (S7 6320) 20-قىركۇيەكتەن باستاپ ىسكە قوستى. كەستەدە ول سەيسەنبى جانە سەنبى كۇندەرى تۇر، ءبىراق وسى اپتادا قوسىمشا دۇيسەنبى مەن بەيسەنبىدە بولادى»، - دەلىنگەن حابارلامادا.

Massaget.kz