شەتەلدەگى قازاق بالالارى جوباسى «جىبەك جولى» تەلەارناسىندا قايتا جارىق كورەدى
شەتەلدىكتەر اسىراپ الىپ، تۋعان وتانىنان جىراققا كەتكەن قازاقستاندىقتاردىڭ تاعدىرىن باياندايتىن «شەتەلدەگى قازاق بالالارى» باعدارلاماسى اراعا 9 جىل سالىپ، قايتادان كوگىلدىر ەكرانعا شىقتى. ناقتىراق ايتساق، Jibek Joly ارناسى اۆتورلىق تەلەجوبانى جاڭا فورماتتا ۇسىنىپ وتىر. جۋىردا عانا جوباعا جاۋاپتى توپ قايتا جاندانعان باعدارلاما ءۇشىن ەۋروپادا ءتۇسىرىلىم جاساپ قايتتى.
«فيلم بارىسىندا ەرلان (گەرمانياعا كەتكەن - رەد.) مەن ساريتانى (بەلگياعا كەتكەن - رەد.) وسىمەن ءۇشىنشى رەت ءتۇسىردىم. دەمەك، جوبانىڭ ارقاسىندا بىزدەن بالا اسىراپ العان شەتەلدىكتەر، حالىقارالىق اگەنتتىكتەر قامقورلىعىنداعى بالالارعا مەملەكەتتىك ورگاندار تاراپىنان عانا ەمەس، قازاقستان قوعامىنىڭ تاراپىنان دا الاڭداۋشىلىق بار ەكەنىن، ول بالالاردىڭ جوقتاۋشىسى بار ەكەنىن ۇقتى دەپ ويلايمىن. مىسالى، ەرلان وسى جولى بارعاندا نەمىس اكەسىنە اڭگىمە اراسىندا «كوردىڭ بە، اكە، ءبىز قازاقتار وسىنداي حالىقپىز» دەپ ماقتانىپ جاتىر. وسىنداي ساتتەردە جىلدار بويعى تىراشتانعان ەڭبەكتىڭ بوسقا كەتپەگەنىنە سەنە تۇسەمىن»، - دەيدى جوبا اۆتورى جانار بايسەمىزوۆا.
يسپاندىق ازاماتتار اسىراپ العان سالامانكا گارسيا لۋيس - اقىلبەك، فلوريان ماركوس - دياس، ماريا ۆالەنتينا پانەداس سيمان (قازاقشا ەسىمى - گۇلىم) بۇگىندە يسپان وتباسىندا ءوسىپ جاتىر. باعدارلاما Jibek Joly ارناسىنىڭ ەفيرىنەن اپتانىڭ ءار جەكسەنبىسىندە كورسەتىلەدى.
«شەتەلدەگى قازاق بالالارى» جوباسىن، وسى جەكسەنبى 2-قازان كۇنى، ساعات 14:30-دا Jibek Joly ارناسىنان كورىڭىزدەر!
