كاسپي پەي ارقىلى جالعان تولەم تۇبىرتەگىن جىبەرىپ اقشا ۇرلاعان الاياق ۇستالدى

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، 2003 -جىلعى تۇرعىن وبلىس اۋماعىندا ءبىر ايدان استام ۋاقىت بويى عالامتور ارقىلى الاياقتىق جاساعان.

ونى جەدەل ىزدەستىرۋ ءىس-شارالارى بارىسىندا اباي پوليتسيا ءبولىمىنىڭ قىزمەتكەرلەرى قولعا ءتۇسىردى.

«كۇدىكتى Kaspi Pay موبيلدى قوسىمشاسىن پايدالانىپ، ارەكەت جاساعان. بۇل - الاياقتىقتىڭ جاڭا تۇرلەرىنىڭ ءبىرى. مۇندا الاياق كوممۋنالدىق قىزمەت وكىلى رەتىندە Kaspi موبيلدى قوسىمشاسىنىڭ تولەمدەر بولىمىندە ەسكەرتۋلەر مەن تولەم شوتتارىن جىبەرەدى. جابىرلەنۋشىلەر تولەۋ باتىرماسىن باسقان كەزدە اقشا الاياقتاردىڭ شوتىنا تۇسەدى. وسىلايشا، اتالعان الاياق تۇرعىنداردىڭ 300 مىڭ تەڭگەسىن جىمقىرىپ ۇلگەرگەن. قازىرگى كەزدە ونىڭ باسقا دا قىلمىستارعا قاتىسى بار-جوعى انىقتالۋ ۇستىندە. اتالعان دەرەك بويىنشا ق ر ق ك 190-بابى 2-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە. ب ق و پوليتسيا دەپارتامەنتى تۇرعىندارعا تولەمدەر مەن اۋدارىمدار بويىنشا قانداي دا بولماسىن وپەراتسيا جاساۋ كەزىندە دەرەكتەمەلەرگە مۇقيات نازار اۋدارىپ، قايتا تەكسەرۋ قاجەتتىگىن ەسكە سالادى»، دەپ حابارلادى ۆەدومستۆودان.