مەملەكەت باسشىسى شىمكەنت حالقىنىڭ ىسكەرلىگىن ايرىقشا اتادى
«سوڭعى جىلدارى شاعىن جانە ورتا كاسىپكەرلىكتىڭ جالپى وڭىرلىك ونىمدەگى ۇلەسى 40 پايىزعا جەتتى. بۇل - جاقسى كورسەتكىش. وسى سالادا 180 مىڭعا جۋىق ادام جۇمىس ىستەيدى. وسى تۇستا شىمكەنت حالقىنىڭ ىسكەرلىگىن ايرىقشا اتاپ وتكىم كەلەدى»، - دەدى مەملەكەت باسشىسى.
سونداي-اق پرەزيدەنت بۇل ءوڭىردىڭ حالقى قاشاننان ەڭبەكقور ەكەنىن اتاپ ءوتتى.
«جالپى، وڭتۇستىك حالقى قاشاندا ەڭبەكقورلىعىمەن تانىمال بولعان. بۇل قاسيەتتەرىڭىز - كوپشىلىككە ۇلگى-ونەگە. حالقىمىز «ەڭبەك - ىرىستىڭ قازىعى» دەگەن. مەن ادال ەڭبەكپەن ەلىمىزدى دامىتۋعا قوسقان ۇلەستەرىڭىز ءۇشىن وزدەرىڭىزگە شىنايى ريزاشىلىعىمدى بىلدىرەمىن»، - دەدى قاسىم-جومارت توقايەۆ.
ايتا كەتەيىك، بۇگىن مەملەكەت باسشىسى قاسىم-جومارت توقايەۆ شىمكەنت قالاسىنىڭ جۇرتشىلىعىمەن كەزدەستى.
