جىل اياعىنا دەيىن رۋبل مەن دوللار باعامى قالاي قۇبىلۋى مۇمكىن
«ۆاليۋتا نارىعىنداعى رۋبلگە بايلانىستى جاعداي تۇسىنىكتى. ول قازىر رەسەي ۇكىمەتىنىڭ رۋبل باعامىن قولمەن ۇستاپ تۇرعانىنان شىعىپ وتىر دەپ ايتۋعا بولادى. ودان بولەك جالپى گەوساياسي جاعدايدىڭ دا اسەرى بار. اسىرەسە، بۇعان دەيىن رۋبلدىڭ كۇشەيىپ كەتۋىنە رەسەيدىڭ ەۋروپاعا مۇناي مەن گازىن ساتا العانى اسەرىن تيگىزدى. مۇناي مەن گاز ەكسپورتىنىڭ ارقاسىندا ماسكەۋگە شەتەلدىك ۆاليۋتا كەلىپ وتىردى. سوندىقتان رەسەي ءۇشىن، رۋبل ءۇشىن قاتتى قىسىم بولعان جوق. ءبىراق كەلەسى جىلدان باستاپ رۋبلگە ءبىراز قيىندىق تۋىندايدى دەپ ايتۋعا نەگىز بار. ويتكەنى تولىق ەمبارگو جاريالانۋى مۇمكىن. نەگىزى جاريالاپ تا قويدى. ياعني، كەلەسى جىلدان باستاپ ەۋروپا ەلدەرى رەسەيدىڭ مۇنايى مەن گازىن المايمىز دەگەن تالاپ قويىپ وتىر. ءبىراق ونىڭ ءبارى اتالعان ەلدەردىڭ قىستان قالاي وتەتىنىنە بايلانىستى. ەۋروپانىڭ كەيبىر مەملەكەتتەرى ەرتەڭ سول كەلىسىمدە تۇرا ما، تۇرماي ما دەگەن ماسەلەلەر دە بار»، - دەيدى ساراپشى.
ەكونوميست ا ق ش- تىڭ اقشا نەسيە ساياساتى بۇرىن- سوڭدى بولماعان باعىتقا ويىسقانىن ەسكە سالدى.
«ال دوللارعا قاتىستى ايتساق، فەدەرالدى رەزەرۆتەر جۇيەسىنىڭ باسشىسى دجەروم پاۋەلل بۇرىن- سوڭدى بولماعان اقشا- نەسيە ساياساتىن جۇرگىزىپ وتىر. ياعني، اقشا- نەسيە ساياساتى بارىنشا قاتاڭداتىلدى. سوڭعى ۋاقىتتاردا دوللاردىڭ نەگىزگى پايىزدىق مولشەرلەمەسىن قاتارىنان ءتورت رەت، سوڭعى رەتىندە ءتىپتى بىردەن 0,75 پايىزدىق پۋنكتىگە ءوسىرىپ وتىر. ونىڭ ءبارى بەلگىلى دارەجەدە دوللاردىڭ نەگىزگى رەزەرۆتى ۆاليۋتالارعا قاتىستى قۇنىنىڭ ارتۋىنا الىپ كەلدى.
قازىردىڭ وزىندە ەۋرونىڭ باعامى دوللارمەن تەڭەسىپ تۇر. دوللار باعامى ءتىپتى بريتان فۋنت- ستەرلينگىنە تەڭەسىپ قالدى. رەزەرۆتى ۆاليۋتاعا جاتاتىن جاپونيانىڭ يەنى، قىتايدىڭ يۋانى دوللارعا قاتىستى السىرەپ جاتىر. دەمەك نەگىزگى رەزەرۆتى ۆاليۋتالاردىڭ ءوزى قۇنسىزدانىپ جاتقاندا دامۋشى ەلدەردىڭ ۆاليۋتاسىنا ءتىپتى ۇلكەن سالماق تۇسىرەدى»، - دەيدى ەكونوميست عالىم.
ونىڭ ايتۋىنشا، مۇنىڭ سالدارى دامۋشى ەلدەردىڭ ينۆەستيتسيالىق تارتىمدىلىعىنا كولەڭكە ءتۇسىرۋى مۇمكىن.
«ويتكەنى قازىر امەريكانىڭ قازىنالىق قۇندى قاعازدارى الدەقايدا ءتيىمدى بولىپ تۇر. ياعني، پايىزدارى وسكەننەن كەيىن، كەز كەلگەن ينۆەستور دامۋشى ەلدەرگە بارىپ اقشا قۇيعانشا امەريكانىڭ قۇندى قاعازدارىندا ۇستاپ وتىرۋدى دۇرىس كورەدى. سول كەزدە دامۋشى ەلدەردەن كاپيتال اعىنى بولادى. وسىنداي سسەناري قازىردىڭ وزىندە ءوربي باستادى دەۋگە بولادى. دەمەك مۇنىڭ ءبارى الداعى ۋاقىتتا ءبىزدىڭ تەڭگەمىزدىڭ دە السىرەۋىنە الىپ كەلەدى دەپ ايتۋعا نەگىز بولادى»، - دەدى ماقسات حالىق.
ايتە كەتسەك، Kurs.kz دەرەكتەرى بويىنشا، استاناداعى ۆاليۋتا ايىرباستاۋ ورىندارىندا 1 دوللار 475 - 480 تەڭگەدەن ساتىلىپ جاتىر.
ال 23- قىركۇيەكتە رەسەي رۋبلىنىڭ باعامى 8,03 تەڭگەگە دەيىن بارعان بولاتىن.
فوتو: best-wallpaper.net
اۆتور
ەسىمجان ناقتىباي
