ەلوردادا كومىردىڭ تونناسى قانشادان ساۋدالانىپ جاتىر
بۇل جەرلەردە 8 كومپانيا- رەاليزاتورلار ءوز قىزمەتىن جۇزەگە اسىرادى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
جىلىتۋ ماۋسىمىنا دايىندىق جانە ونى وتكىزۋ كەزەڭىندە كومىر ساتۋشىلاردان 463 مىڭ توننادان استام كومىر مولشەرىندە ءوتىنىم رەسىمدەلدى.
وتىن قورى تۇراقتى نەگىزدە تولىقتىرىلىپ وتىرادى.
باعا وسىمىنە جول بەرمەۋ ماقساتىندا تامىز ايىندا بارلىق كومپانيالارمەن كومىر قۇنىن بەكىتۋ تۋرالى ءتيىستى مەموراندۋم جاسالدى.
109 ءنومىرى بويىنشا «قاۋىرت جەلى» جۇمىس ىستەيدى، وندا تۇيىقتتاعى كومىردىڭ قورى، باعاسى جانە بار- جوعىن بىلۋگە بولادى.
بۇگىنگى تاڭدا كومىردىڭ ورتاشا باعاسى وتكەن جىلدىڭ دەڭگەيىندە:
شۇباركول - تونناسىنا 13800 ت گ؛
قاراجىرا - تونناسىنا 14500 ت گ؛
مايكوبە - تونناسىنا 12700 ت گ.
ەسكە سالا كەتەيىك، ەلوردادا قالانى گازداندىرۋ جۇمىستارى جالعاسۋدا. ەكى اۋدان - الماتى جانە سارى ارقا اۋداندارى - ۇيلەردى گازعا قوسۋ مۇمكىندىگىمەن تولىق قامتاماسىز ەتىلدى.
ولار: كوكتال-1، كوكتال-2، اگروگورودوك، «جەلەزنودوروجنىي»، پرومىشلەننىي، وڭتۇستىك- شىعىس، وڭ جاعى، وڭتۇستىك- شىعىس سول جاعى، كۇيگەنجار، ميچۋرينو، ينتەرناتسيونالنىي كوشەلەرى، سونداي- اق پوتانين كوشەسىندەگى قالانىڭ ەسكى بولىگى.
680 ك م استام گازبەن جابدىقتاۋ جەلىلەرىنىڭ قۇرىلىسى اياقتالدى، كۆارتالىشىلىك جەلىلەر تارتىلدى. گازعا 5,7 مىڭنان استام ءۇي قوسىلعان.
قالعان اۋداندار - بايقوڭىر جانە ەسىلدە گاز قۇبىرىن تارتۋ جۇمىستارى جۇرگىزىلۋدە (كۆارتالىشىلىك جەلىلەر - 2023 -جىلى).
فوتو: استانا ق. اكىمدىگىنىڭ باسپا ءسوز قىزمەتى
رەداكتور
جانات قاپالبايەۆا
