ەلىمىزدە قانداي ماماندارعا سۇرانىس جوعارى

استانا. قازاقپارات – ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا و ك ق وتكەن باسپا ءسوز ءماسليحاتىندا قازاقستانداعى سۇرانىسقا يە ماماندىقتاردى اتادى، دەپ حابارلايدى قازاقپارات ءتىلشىسى.

«ەلەكتروندى ەڭبەك بيرجاسىندا ورنالاسقان حابارلاندىرۋلارعا سايكەس، بىزدە ينجەنەرلىك- تەحنيكالىق قىزمەتكەرلەرگە، قىزمەت كورسەتۋ سالاسىنىڭ قىزمەتكەرلەرىنە سۇرانىس جوعارى»، - دەدى تامارا دۇيسەنوۆا.

ت. دۇيسەنوۆانىڭ ايتۋىنشا، جىل باسىنان بەرى قازاقستانعا رەسەيدەن 262 مىڭعا جۋىق ادام كەلگەن. ونىڭ ىشىندە 6518 ادام - «جۇمىسقا بارۋ» ماقساتىن جازعان ادامدار.

«ءتىپتى پاندەمياعا دەيىنگى كەزەڭدە رەسەي فەدەراتسياسىنان 24816 ادام، سودان كەيىن 2019 -جىلى - 30 مىڭ، 2020 -جىلى - 33 مىڭ، ال وتكەن جىلى - 32 مىڭعا جۋىق ادام كەلگەن. قازىر كەلگەندەر مەن كەتكەندەردى ەسكەرە وتىرىپ، ءبىزدىڭ قىزمەتتەرىمىزدىڭ مالىمەتتەرى بويىنشا ەلگە جۇمىس ماقساتىندا كەلگەن جانە نارىقتا جۇرگەن 25301 رەسەيلىك بار. وعان جىل باسىنان بەرى كەلگەن 6 مىڭ ادامدى قوسساق، 31 مىڭعا جۋىق رەسەيلىك جۇمىس ىستەپ ءجۇر»، - دەدى تامارا دۇيسەنوۆا.