بۇگىننەن باستاپ «جاڭا تۇنگى ستۋديا» نۇرلان قويانبايەۆپەن» ەفيرگە شىعادى
نۇرلان قويانبايەۆتىڭ اۆتورلىق باعدارلاماسى العاش رەت ەفيرگە 2013 -جىلى «قازاقستان» ۇلتتىق ارناسىنان شىققان بولاتىن. الايدا، 2017 -جىلى باعدارداما جابىلىپ، اراعا 5 جىل سالىپ، ەفيرگە قايتا ورالىپ وتىر.
سونداي-اق بۇعان دەيىن تۇنگى باعدارلاما استانا قالاسىنىڭ «قازمەديا» ورتالىعىندا تۇسىرىلگەن بولسا، ەندى الماتىدا جاسالادى. ناقتى ايتقاندا، ءتۇسىرىلىم الماتىداعى قازاق تەلەراديو ورتالىعىنىڭ اپپارات-ستۋديا كەشەنىندە جۇرگىزىلەدى.
باعدارلاماداعى تاعى ءبىر جاڭالىق، وندا ەندى ءۇش جۇرگىزۋشى بولادى. ولار - بەلگىلى قازاقستاندىق پروديۋسەر، اكتەر جانە تەلەجۇرگىزۋشى نۇرلان قويانبايەۆ، تەلەجۇرگىزۋشى، اكتەر داۋلەت بيجانوۆ جانە اكتريسا سالتانات سەركەبايەۆا.
سونداي-اق، باعدارلامانى الماتىنىڭ جەرگىلىكتى «Prime band» مۋزىكالىق توبى اۋەنمەن سۇيەمەلدەيدى.
«تۇنگى ستۋديادا نۇرلان قويانبايەۆ» باعدارلاماسى - «Late night show» فورماتىنداعى شوۋ. مۇنداي شوۋلار العاش رەت 1960 -جىلدارى ا ق ش- تا اشىلعان. قازىر ينتەرنەت، مەديا قانشا دامىسا دا، مۇنداي شوۋلاردى ءالى كوپ كورەرمەن قىزىعا تاماشالايدى. ونىڭ سەبەبى - ءار زاماننىڭ جۇلدىزى، تانىمال ادامىنىڭ وسىنداي باعدارلاماعا كەلىپ قاتىسۋىندا دەپ ويلايمىن. مەن قازاقستاندا تۇنگى شوۋعا شاقىراتىن قوناقتارىمىز كوپ ەكەنىنە قۋاندىم. بۇل ەلىمىزدىڭ، قوعامىمىزدىڭ مىقتى ەكەنىن كورسەتسە كەرەك. دەمەك، مەنىڭشە بۇل فورماتتاعى جوبالاردىڭ قازاقستاندا بولاشاعى بار»، - دەگەن ەدى قازاقپارات تىلشىسىمەن سۇحباتىندا نۇرلان قويانبايەۆ.
باعدارلاما «Jibek joly» تەلەارناسىنان اپتاسىنا 4 رەت، تۇنگى ساعات 22.30-دا كورسەتىلەدى.
ەڭ مىقتى night show اۆتورى نۇرلان قويانبايەۆپەن بىرگە بولىڭىزدار. ارنا 7-باتىرمادا.
اۆتور دۋمان ارعىنگەلدى
