تاجىكستان مەن قىرعىزستان شەكارانى بولۋگە كەلىستى
بۇل 600 شاقىرىمنان ءسال اساتىنىن ايتتى تاجىكستان سىرتقى ىستەر ءمينيسترى سيرودجيددين مۋحريددين، دەپ حابارلايدى «حابار 24».
ال تاجىكستان - قىرعىزستان شەكاراسىنىڭ جالپى ۇزىندىعى 1 مىڭ شاقىرىمعا جەتەر- جەتپەس. الايدا ءالى كۇنگە دەيىن ەلدەر اراسىندا قارۋلى قاقتىعىستار تۋعىزعان داۋلى ايماقتار بار.
ەستەرىڭىزگە سالا كەتەيىك، ەكى جاقتى شەكارالىق ماسەلە قىركۇيەكتىڭ 14-نەن باستاپ شيەلەنىسە تۇسكەن.
سونىمەن بىرگە قىرعىزستان مەن تاجىكستان ۇلتتىق قاۋىپسىزدىك مەملەكەتتىك كوميتەتتەرىنىڭ وكىلدەرى شەكاراداعى جاعدايدى رەتتەۋ بويىنشا كەلىسسوزدەر جۇرگىزدى. جانجالدى جانە ونىڭ سالدارىن توقتاتۋ تۋرالى حاتتاماعا قول قويىلدى. بۇل تۋرالى جۋرناليستەرگە بۇگىن قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ ءتوراعاسى قامشىبەك تاشيەۆ حابارلادى.
تاشيەۆ «حاتتامانىڭ بارلىق تارماعى ورىندالىپ، قىرعىز جانە تاجىك جەرلەرىنە بەيبىتشىلىك پەن كەلىسىم كەلەدى» دەگەن ءۇمىتىن ءبىلدىردى.
قىرعىزداردىڭ مالىمدەۋىنشە، تاجىكستان قارۋلى كۇشتەرى قىرعىزستانداعى بىرنەشە اۋىلدى باقىلاۋعا العان. تاجىكتەر اۋماقتان كەتپەي، قارسىلاستارىنا وق جاۋدىرىپ، اتىس باستالعان. قارۋلى قاقتىعىس كەزىندە ەكى جاقتان 90-نان استام ادام قازا تاپتى. تاجىكستان ەندى قىرعىزستاننىڭ قارۋلى كۇشتەرى مەشىتكە شابۋىل جاسادى دەپ ايىپتاپ وتىر.
