20:06, 23 - قىركۇيەك 2022 | GMT +6
باكۋ ارمەنيامەن شەكارادا تاعى دا وق اتىلعانىن مالىمدەدى
استانا. قازاقپارات - بۇگىن ازەربايجان قورعانىس مينيسترلىگى ارمەنيا قارۋلى كۇشتەرىنىڭ مەملەكەتتىك شەكاراعا وق اتقانى تۋرالى حابارلادى.
«بەيسەنبى كۇنگى كەشتەن باستاپ، قىركۇيەكتىڭ 23-ءىنىڭ تاڭىنا دەيىن ارمەنيا قارۋلى كۇشتەرىنىڭ بولىمدەرى توۆۋز، كالباجار جانە داشكاسان وبلىستارىنىڭ شەكارالاس ايماقتارىندا ورنالاسقان ازەربايجان ارمياسىنىڭ پوزيتسيالارىن اتقىلادى. اتىس ءارتۇرلى كاليبرلى قارۋدان جاسالدى»، دەپ جازىلعان قورعانىس مينيسترلىگىنىڭ حابارلاماسىندا.
ەسكە سالساق، 13-قىركۇيەككە قاراعان ءتۇنى ازەربايجان مەن ارمەنيا شەكاراسىندا قاقتىعىس قايتا باستالعان ەدى. سول كەزدە ەريەۆان وڭتۇستىك- شىعىس شەكارانى اتقىلاعانىن جاريالاپ، ۇ ق ش ۇ- عا جۇگىنگەن.
جانبولات كەنجەعۇل
Egemen.kz
