ماجىلىسمەن ايگۇل قۇسپان ر ف مەملەكەتتىك دۋماسى دەپۋتاتىنىڭ مالىمدەمەسىنە جاۋاپ بەردى
ماجىلىسمەن ءوز جازباسىندا مەملەكەتتىك دۋما كوميتەتى ءتوراعاسىنىڭ ورىنباسارى كونستانتين ءزاتۋليننىڭ قازاقستانعا قاتىستى جاسالعان ايىپتاۋ مالىمدەمەسى ءۇستىرتىن ءارى نەگىزسىز ەكەنىن اتاپ وتكەن.
«قازاقستان مەن رەسەي اراسىنداعى ديپلوماتيالىق قارىم- قاتىناسىنىڭ 30 جىلدىعى قارساڭىندا ت م د ىستەرى جونىندەگى مەملەكەتتىك دۋما كوميتەتى ءتوراعاسىنىڭ ءبىرىنشى ورىنباسارى كونستانتين زاتۋلين تاعى دا قازاقستانعا سەس كورسەتىپ، مادىمدەمە جاسادى.
وكىنىشكە قاراي، وسىنداي دەپۋتاتتاردىڭ كەسىرىنەن دوستاس رەسەيدىڭ جاقىن شەتەلدەگى بەينەسى اگرەسسيا، مەنمەندىك جانە ناداندىقپەن بايلانىستىرىلادى. ويدان شىعارىلعان قازاق ۇلتشىلدىعى جانە وزگە دە ۇلتشىلدىق تامسىلدەر ارقىلى مۇنداي ساياساتكەرسىماقتار رەسەيدىڭ مۇددەسىنە نۇقسان كەلتىرەدى.
زاتۋليننىڭ جاڭا مالىمدەمەسىن دوستىق قارىم- قاتىناستان ادا جانە ءۇستىرتىن، نەگىزسىز جاسالعان دەپ ەسەپتەۋگە بولادى.
اسكەري مىندەتتىلەردى ءىشىنارا جۇمىلدىرۋ جونىندە جاريالانعاننان كەيىنگى العاشقى تاۋلىكتىڭ وزىندە قازاقستانعا 10 مىڭعا جۋىق رەسەي ازاماتى كەلدى. بيلىك تە، حالىق تا ولارعا ەشقانداي كەدەرگى جاساپ جاتقان جوق. بۇل ءبىزدىڭ ەلدە «رۋسوفوبيا» جوق ەكەنىن دالەلدەپ وتىر.
دەگەنمەن دەپۋتات زاتۋلين مۇنى قانداي دا ءبىر سەبەپتەرمەن بايقامايتىن كورىنەدى. دەي تۇرعانمەن ونىڭ پايىمىنشا، رەسەيگە ادالدىعىمىزدى دالەلدەۋ ءۇشىن ءبىزدىڭ ەل ەكونوميكاسى باتىستىڭ ەكىنشى قايتالاما سانكتسياسىنا ۇشىراپ، ازاماتتارىمىزدىڭ مۇددەسىنە ەلەۋلى زالال كەلتىرۋىمىز كەرەك ەكەن.
ەستەرىڭىزگە سالايىن، وسى جىلدىڭ ماۋسىم ايىندا دا دەپۋتات زاتۋلين ۋكرايناداعى جاعدايدى مىسالعا كەلتىرە وتىرىپ، «ءبارى دە بولۋى مۇمكىن» دەپ قازاقستانعا قاتىستى مالىمدەمە جاساپ ەدى. وسىدان كەيىن وعان رەسەيلىك ارىپتەستەرى ءوز قۇزىرەتىنەن تىس ارانداتۋشىلىق پىكىر بىلدىرگەنشە، ءوز كوميتەتىنىڭ قىزمەتىنە كوبىرەك نازار اۋدارۋى قاجەت ەكەنىن ايتقان بولاتىن. ونىڭ جۇمىسىنىڭ نەگىزگى باعىتى، كەرىسىنشە، وداقتاستىق جانە تاتۋ كورشىلىك قاتىناستاردى نىعايتۋ ەدى»، - دەپ جازدى ق ر پارلامەنتى ءماجىلىسىنىڭ دەپۋتاتى ءوزىنىڭ Facebook-تەگى پاراقشاسىندا.
