زاڭسىز شىعارىلعان قارجىنى قايتارۋ ش ى ۇ- نى جاھاندىق ەكونوميكالىق پلاتفورماعا اينالدىرۋدا ەرەكشە وزەكتى - قاسىم- جومارت توقايەۆ
القالى جيىن قاتىسۋشىلارىنا ق ر پرەزيدەنتى قاسىم- جومارت توقايەۆ قۇتتىقتاۋ جولدادى. قۇتتىقتاۋدى ق ر پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى عيزات نۇرداۋلەتوۆ وقىپ بەردى، دەپ حابارلايدى قازاقپارات ءتىلشىسى.
«سىزدەردى قازاقستاندا قارسى العانىما شىن جۇرەكتەن قۋانىشتىمىن. پروكۋراتۋرا قىزمەتى زاڭدىلىق پەن قۇقىق ۇستەمدىگىن قامتاماسىز ەتۋدە، ادىلەتتى قوعام قۇرۋدا ماڭىزدى ءرول اتقارادى. وسى تۇرعىدا قازاقستان ش ى ۇ مەملەكەتتەرى قاداعالاۋ ورگاندارىنىڭ كوپجىلدىق ىنتىماقتاستىعىن جوعارى باعالايدى. ترانسۇلتتىق قىلمىسقا قارسى ءىس- قيمىل ش ى ۇ- نىڭ نەگىزگى مىندەتتەرىنىڭ ءبىرى سانالادى. ونى شەشۋ وڭىرلىك قاۋىپسىزدىكتى نىعايتۋعا ىقپال ەتەدى»، - دەلىنگەن مەملەكەت باسشىسىنىڭ قۇتتىقتاۋىندا.
ق ر پرەزيدەنتى ش ى ۇ- عا مۇشە مەملەكەتتەر باس پروكۋرورلارىنىڭ جىل سايىنعى ءداستۇرلى وتىرىستارى جالپى قۇقىقتىق ساياساتتى ىسكە اسىرۋدىڭ پارمەندى قۇرالىنا اينالعانىنا باسا نازار اۋداردى.
«20- مەرەيتويلىق وتىرىستىڭ كۇن تارتىبىنە زاڭسىز شىعارىلعان قارجى قاراجاتىن قايتارۋ بويىنشا تاجىريبە الماسۋ ماسەلەسى ەنگىزىلدى. بۇل ماسەلە ش ى ۇ- نى جاھاندىق ەكونوميكالىق پلاتفورماعا اينالدىرۋ پەرسپەكتيۆالارى سالاسىندا ەرەكشە وزەكتى بولىپ وتىر. ش ى ۇ اياسىندا ءوزارا ءتيىمدى ارىپتەستىكتىڭ زور الەۋەتىن تولىققاندى پايدالانۋ كوپ جاعدايدا ترانسۇلتتىق ەكونوميكالىق قىلمىسقا قارسى كۇرەس جونىندەگى بىرلەسكەن كۇش- جىگەردىڭ تيىمدىلىگىنە بايلانىستى ەكەنى انىق. بۇگىن ناتيجەلى پىكىر الماسۋ ءوتىپ، وسى باعىتتاعى جاڭا تاسىلدەر ازىرلەنەتىن بولادى دەپ سەنەمىن. وتىرىسقا قاتىسۋشىلارعا قويىلعان مىندەتتەردى شەشۋدە تابىس تىلەيمىن»، - دەدى قاسىم- جومارت توقايەۆ.
اۆتور
مارلان جيەمباي
